Matxitxakoko itsas-batailaren 86. urteurrena gogoan

Erredakzioa 2023ko mar. 7a, 18:59

Herritarrek Euzkadiko Gudontzidi laguntzailea gogoan izan zuten joan den martxoaren 5ean, domekan. Oroilore Ikerketa Taldeak azaldu duenez, 1936an Eusko Jaurlaritzak sortutako ontzia izan zen hura, eta horretan Matxitxakoko itsas-batailan parte hartu zuten gudariak eta haien senideak omendu zituzten. Ekitaldi xume baten bitartez, «askatasuna, justizia soziala, zilegizko II. Errepublikako Gobernua eta Euskal Herriaren eskubideen alde borrokatu zirenak» omendu gura zituztela azaldu dute omenaldiko antolatzaileek. 

Halaber, domekan, aipamen berezia egin zieten, Matxitxakoko itsas batailan hildako 60 lagunen artean, Gorlizko Antonio Oleaga Bilbao eta Remigio Atxirika Ibargoenetxeari, eta Plentziako Pedro Lopezi. Izan ere, Oroilore Ikerketa Taldeko kideek azpimarratu dutenez, "memoria historikoa aurrera begiratzeko lanabes bezala" aldarrikatzen dute, betiere iraganeko gudarien duintasuna oinarritzat hartuta. 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun