Pasa den astean, Gaude batzordeak iragarri zuen aste honetarako hainbat mobilizazio egingo zituela dibertsitate funtzionalaren sektorean diharduten langile guztien lan-baldintza duinak aldarrikatzeko asmoz. Zehazki, atzo batzordeak bere lehenengo mobilizazio eguna bete zuen: Uribe Kostako zentro ezberdinetan "informazio-piketeak" antolatu zituen eta manifestazioa egin zuten Gorabide enpresako langileakaz Bilboko Salbe Zubitik Ugasko kalean kokatzen den Bizkaiko Foru Aldundiko eraikinera arte. Gaur, euren bigarren mobilizazio egunari ekingo diote, eta, Sabin Etxearen aurrean kontzentrazioa egiteko asmoa iragarri dute.
Atzoko mobilizazio eguna "informazio-pikete" ezberdinakaz hasi zuten, Leioako Donibane zentroan eta Gorlizeko Eguneko Zentroan kokatutakoak. Gaudeko langile batzordeko Borja Lloninek adierazi duenez, zentro horietako langile batzuk beranduago sartu ziren lanera, "tentsiozko momentuak ekiditeko".
Ondoren Bilbon egindako manifestazioak "indar handia" izan zuela ere azpimarratu du Lloninek: "Manifestazioan EAJren eta Sergio Murilloren kontrako leloak kantatu genituen, horiek baitira, guretzako, gure prekarietate-egoeraren errudunak". Langileak dioenez, gaur eta hurrengo egunetan ere borrokan jarraituko dute "hauteskunde garaietan ere" euren egoera alderdi politikoen aurrean salatzeko.
Lo hemos vuelto a conseguir...
Piquetes informativos por la mañana y manifestación masiva por Bilbao.#pnvstyle y #DIPUTADOmurillo exigimos una solución.
De lo contrario hay y habrán más HUELGAS, ESTAMOS FURRTES.@eajpnvbizkaia @BizkaiaSocial @Asoc_Gaude @muricor 📢CULPABLES📢 pic.twitter.com/vUxgzTR057
— Gaude.Borrokan (@ComiteGaude) May 24, 2023
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
