Astelehenean, hilaren 11n, bainu-eremuetako uretan egindako kontroletan escherichia coli eta hesteetako enterokoko bakteriak antzeman zituzten Areetako, Ereagako eta Arrigunagako (Getxo), Muriolako (Barrika), Plentziako, Gorlizko eta Armintzako (Lemoiz) hondartzetan. Hori dela eta, bainua hartzea debekatuta egon da ia aste osoan hareatza horietan. Hala ere, azken laginketen ondorioz, uraren kalitatea bainurako egokia dela ondorioztatu dute agintariek.
Egindako azken kontrolak araudian adierazitakoagaz bat etorri dira, hau da, bakterioen-maila mugen barruan daude eta, hori dela eta, bainu librea baimenarazi dute aipatutako hondartzetan.
Arduradunek jakinarazi dutenez, litekeena da domekako eta astelehenetako euriteen ondorio izatea bakterio horien agermenaren arrazoia.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
