Bizkaiko Foru Aldundiak bertan behera utzi ditu biharko, zapaturako, kanpoan egiten diren Eskola Kirolaren Programako jarduera guztiak (hastapen- eta jolas-lehiaketak eta jarduerak), datozen egunetarako iragarri duten haizeagatik eta itsasaldeko arriskuagatik ezarritako alertak direla eta. Era berean, domeka honetarako, azaroaren 5erako, hurrengo itsas jarduerak ere bertan behera geldituko dira: arrauna, piraguismoa, surfa, arrantza, hondartzako boleya, triatloia eta bela.
Halaber, Bizkaiko Foru Aldundiak erlaitzetatik, hormetatik, zuhaitzetatik edo publizitate-hesietatik urruntzea gomendatzen du, baita eraikitzen ari diren edo egoera txarrean dauden eraikinen aurrean neurriak hartzea ere. Hala, bidaia egin behar izanez gero, Aldundiak aholkatu du bidaiatu behar izatekotan errepidez egin beharreko joan-etorriak saihesteko eta, betiere, kontu handiz ibiltzeko.
Itsas eremuei dagokionez, foru-erakundeak gomendatu du hondartzatik eta haize bortitzen intentsitatearen ondorioz sor daitezkeen mareek eta olatuek eragin ditzaketen lekuetatik aldentzea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
