Su-etena, korridore humanitario seguruak, irtenbide negoziatua eta Palestinako herriaren autodeterminazio eskubidea errespetatzea aldarrikatu ditu Gernika-Palestina eta, "Gazako sarraskia gelditu! Konponbide politikoa orain! Palestinarekin elkartasuna!" lelopean, mobilizazioak iragarri ditu biharko, martitzenerako, herriz herri.
Zehazki, azaroaren 7a aukeratu dute protesta egiteko egun horretan beteko baita hilabetea indarkeriak gogor gora egin zuenetik Palestinan. Hala, goiz eta eguerdian, mobilizazioak egingo dituzte hezkuntza zentro eta lantokietan eta, 19:00etan, berriz, udaletxeen aurrean. “Berehalako su-etena, eraso guztien amaiera, zibilen bizia eta segurtasuna bermatzea, laguntza humanitarioaren sarrera ahalbidetzea eta Gazako zerrendaren setioarekin eta, oro har, Palestinako lurraldearen gaineko mehatxuarekin amaitzea” exijituko dituzte elkarretaratzeotan.
Era berean, palestinarrek eta israeldarrek bakean bizitzeko eskubidea dutela aldarrikatu eta konponbide “baketsu eta negoziatua bilatzeko” dei egingo dute, “nazioarteko zuzenbidean eta NBEren ebazpenen betearaztean oinarritutako konponbidea”, hain zuzen ere. Hori lortzeko elkarrizketa prozesua hastea ezinbestekoa dela uste dute.
Mobilizazioak eskualdean
Ikastetxe eta lantokiak
- EHUko campusa, 13:30ean, Mikel Laboa plazan.
- Ategorri BHI institutua.
- Betiko ikastola.
- Ander Deuna ikastola.
- Getxo 1 BHI institutua.
- Aixerrota BHI institutua.
- San Nikolas ikastola, 16:30ean.
- Uribe Kosta BHI institutua.
Arrastian
- Barrika, 19:00etan, udaletxearen aurrean.
- Erandio, 19:00etan, udaletxearen aurrean.
- Leioa, 19:00etan Bulebarrean.
- Itzubaltzeta/Romo, 19:00etan Santa Eugenia plazan.
- Algorta, 19:00etan Telletxe plazan.
- Berango, 19:00etan Gudarien enparantzan.
- Urduliz, 19:00etan, udaletxearen aurrean.
- Sopela, 19:00etan, udaletxearen aurrean.
- Gorliz, 19:00etan, udaletxearen aurrean.
- Plentzia, 19:00etan, udaletxearen aurrean.
- Lemoiz, 19:00etan.
