Gorlizko eta Plentziako kuadrillek bigarren Kuadrilla Eguna ospatu zuten zapatuan. Udalerri bietako hainbat gaztek parte hartu zuten egun horretako hitzordu esanguratsuena izan zen txalupen lehiaketa. Ikusleen barre algara artean, parte hartu zuten hiru txalupek zubi zuritik Ontziola plazara arteko tartea egin zuten.
Gorliz eta Plentziako Kuadrillen Egunaren antolatzaileek adierazi zutenez, egun horren asmoa ondo pasatzea izan zen. Horretarako, Pirata Eguna antolatu zuten, mozorro eta itsas-odisea eta guzti. Gogoratu zutenez, duela urte asko Plentzian egiten zen ekintza bat da txalupen lehiaketa, eta hori berreskuratzea "polita" litzatekeela iruditu zitzaien antolatzaileei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!