Neurri horregaz, Mankomunitateak zuriak diren eta objektuak berrerabiltzeko balio duten 45 edukiontzi izango ditu guztira; eskualdean etxeko olioa birziklatzeko edukiontzi laranjak 46 izango dira guztira. Azpimarratu dute neurri horregaz etxeetan sortzen diren hondakin guztiak behar bezala bereiztea sustatu gura dutela, horiek birziklatu edo berrerabili ahal izateko.
Zentzu horretan, gogoratu dute berrerabiltzeko edukiontzi zurietan bigarren bizitza izan dezaketen objektuak utzi daitezkeela, hala nola arropa, oinetakoak, osagarriak, liburuak, etxetresna elektriko txikiak, etab.
Halaber, laranja koloreko edukiontziak etxean sortutako landare-olioa bereizteko balio dute, etorkizunean birziklatu eta biodiesela sortu ahal izateko, hain zuzen. Azaldu dutenez, Pertsona batek 20 litro olio inguru kontsumitzen ditu urtean, eta horietatik % 10-20 inguru bota egiten dira. Behar bezala tratatzen ez den olioak ibaiak, itsasoak eta ekosistema osoa kutsatzen ditu; izan ere, olio litro batek 1.000 litro ur kutsatzen ditu, beraz, ezinbestekoa da olioa behar bezala bereiztea eta edukiontzi laranjan uztea.
