Urteurrena behar bezala ospatzeko hainbat eduki berezi eta jarduera egingo ditugu hurrengo hilabeteetan; adi egon! Bitartean, urtemugaren berri emateko urtarrileko aldizkariaren inprimaketa-prozesua dakarkizuegu.
Urte berezia izan arren, orain arte bezala informatzen jarraituko dugu; hala, besteak beste, tokiko kazetaritzaren beharraz hausnartu, Txirri, Mirri eta Txiribiton berriak elkarrizketatu, Altxa Burua ekimenaren inguruan eztabaidatu eta Bea Severregaz sexuari buruzko hainbat hausnarketa bildu ditugu urteko lehen ale honetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!