Egun intentsua baina betegarria izan zen maiatzaren 31a, egun osoko egitarau oparoa bete baitzuten:
"Plentzian elkartu ginen zapatuan: goizean, bertso poteoa egin genuen, ondoren, bazkaria, eta ostean, asanblada, gazte eta feminista bezala ditugun beharrak identifikatu eta gure ingurura hobeto heltzeko estrategietan pentsatzeko. Horren ostean, Danontzat Gaztetxean amaitu genuen gaua. Ikusi dugu badagoela Uribe Kosta feminismotik eraldatzeko gogo bat, gure esperientzia propioetatik abiatzen dena baina kolektiboan forma hartzen duena".
Gainera, azaldu dutenez, urriaren 31n eta azaroaren 1ean eta 2an Euskal Herriko Gazte Feministen Baterajotzea eskualde bezala joango dira. "Gure arteko aliantzak eraikitzen jarraitu nahi dugu, patriarkatuaren aurka gune guztietatik eta era kolektiboan egin behar dugulako borroka". Halaber, eskualdeko gazte feministak gonbidatu dituzte haiekaz Baterajotzera joateko, sarea handitzen jarraitzeko asmoagaz.
Gainera, Uribe Kostako Gazte Feminista gisa, hainbat kamiseta eta tote poltsa egin dituzte. Horiek salgai daude eta taldeetako Instagrametara idatzita eskuratu daitezke: @haziak_algorta, @sugarri_sopela eta @sorginenalabak.
