Egitasmoa babesten ari den Subflubiala EZ plataformako kideek azaldu dutenez, asmoa da hainbat egunez zuhaitzean egotea, ingurumen-inpaktu handia izango lukeen tunelaren proiektu hori salatzeko. Plataforma ekologistak ohar bidez azaldu duenez, ekintzaileak besteak beste, Frantzian A69 autopistaren aurkako mugimendu ekologistan parte hartu zuen, eta bertan ezagutu zuen borroka.
Protestagaz batera, plataformako kideek azpiegitura "oso kaltegarria" dela berretsi dute, bereziki sustatzen duen mugikortasun-ereduagatik, auto pribatuaren erabilera bultzatzen duelako. "Milaka ibilgailuk igaroko dute egunean, eta horrek kutsadura eta berotegi-efektuko gasen emisioak areagotuko ditu", salatu dute. Horrez gain, kostu ekonomiko handia ere nabarmendu dute: "500 milioi eurotik gora xahutuko dira", esan dute. Gaineratu dutenez, obrek inguruan eragin larriak izango lituzkete: "Naturguneak, ikastetxeak eta ekosistemak arriskuan jarriko ditu".
Plataformatik jakinarazi dute protesta baketsu honek herritarren arreta piztea eta eztabaida publikoa aktibatzea duela helburu, eta lanen geldiarazpena eskatu dute berriz ere.
Azken asteotan, hainbat elkarretaratze eta alegazio aurkeztu dituzte tunelaren egitasmoaren aurka, proiektuaren tramitazioa gardentasun faltaz eta azkartasunargaz egin dela salatuz.
