Uribe Kostako Zerbitzu Mankomunitateak, Sopelako Udal Euskaltegiagaz, eskualdeko AEKregaz eta Egizu elkarteagaz batera antolatutako jardunaldiak 24. Korrikaren kultur egitarauari bultzada ederra eman dio. Bertan, euskara maila desberdineko hainbat herritar –200 goizeko txandetan eta 100etik gora arratsaldekoetan– batu ziren, eta giro lasaian euskaraz aritzeko aukera izan zuten.
"Jendea oso pozik atera da. Askok Berbalagun egitasmoan izena eman dute ikusi dutelako euskaraz berba egiten gozatzen dugula", adierazi dute antolatzaileek.
Plentzia Kantaguneko kideek girotu zuten ekitaldiaren amaiera eta Martia Taldeak ere abesti bat eskaini zien bertaratutakoei.
