Beire euskal musikaren panoramara heldu den proiektu berria da, pop-rockaren, malenkoniaren eta esperimentazioaren arteko bide propioa zabaltzeko asmoz. Bost musikarik osatutako taldeak Txikia abestia aurkeztu berri du, irailean kaleratuko duen lehen diskoaren aurrerapen gisa, eta udaren ostean zuzeneko aurkezpen-bira hasteko asmoa ere iragarri dute.
Iratxe Perezen ahots eta gitarraren inguruan elkartu dira eskarmentu handiko hainbat musikari: Jon Gago, Jone Ibarretxe, Ander Uribarri eta Kike Heredero. Taldekideek aurretik beste hainbat proiektutan egindako ibilbideak aberastu egiten du Beireren proposamena, soinu zaindua eta nortasun kolektiboa uztartuta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!