Mobilizazioaren amaieran, maputxe ekintzaile bat Artatza inguruko zuhaitz batera igo zen, datozen hilabeteetan obrak geldiarazteko eta eremua hesitu gura dutenen aurrean erresistentzia egiteko. Egindako salaketen artean, parkeko 180 zuhaitzen mozketa eta inguruneko ikastetxeetan obrek eragingo dituzten zarata zein bibrazioak egon dira. Herritarrek kanpaldia ere antolatu zuten babesa adierazteko eta erresistentziak jarraituko duela argi uzteko.
"Borroka hasi baino ez da egin eta oraindik garaiz gaude 'suflubiala' gelditzeko", helarazi zuten plataformako kideek. Era berean, herritarrei dei egin diete elkarregaz gelditu barik jarraitzeko, makroproiektu honen ordez mugikortasun jasangarria eta osasuna ardatz izango dituen herri-eredua defendatzeko.
