MOTO – MEMBRA JESU NOSTRI Arriagara dator berriro!

Arriaga Antzokiak 2022ko ikuskizun hau atera du ekoizpen propioko bitxien kutxatik, oso emanaldi berezia eskaintzeko. Lana 1680an Dietrich Buxtehudek konposatutako «Membra Jesu Nostri» kontzertuaren eszenaratzea da.

Dietrich Buxtehudek 1680. urtean konposatu zuen Membra Jesu Nostri kontzertuaren antzezpena ikusi eta entzungo dugu Arriagan. Kristoren oinei, belaunei, eskuei, aldeari, bularrari eta bihotzari eskainitako zazpi kantataz osatutako zikloa eta Eneko Sagardoy aktoreak idatzi eta antzeztutako testua elkarrizketan arituko dira. Sagardoyren testuak ustezko moto-istripu batean betirako desagertu den gizona eta geratu den pertsonaren maitasuna ditu hizpide.

Ez galdu aukera eta parte hartu zozketan! Sarrera bikoitza dugu zozkagai!

Arriagan izango da ikuskizuna, irailaren 27an (zapatuan), arratsaldeko 19:00etan.

Zozketan parte hartu gura baduzu, irailaren 21a (domeka) baino lehenago bete ondoko formularioa.