api 26, 11:16 Erandio
Mende erdi igaro da LAB sindikatua sortu zenetik eta, 50. urtemuga hori ospatzeko, hainbat ekitaldi egiten ari dira egunotan eskualdean. Ildo horretan, hurrengo hitzordua bihar, zapatuan, izango da, Erandion egingo duten mobilizazioagaz. 12:00etan abiatuko da manifestazioa, Altzagako metrotik, eta, ondoren, ekitaldia egingo dute.
api 25, 12:59 Erandio
Bizkaiko Foru Aldundiak Saitek ingeniaritzari eskatu zion txosten independente bat egin zezala Erandioko Alzaga auzoan izandako uholdeak zergatik gertatu ziren argitzeko. Hala, ondorioztatu dute All Iron zubiko obrak ez direla izan apirilaren 11ako uholdeen eragileak. Azpiegitura eta Lurralde Garapeneko diputatu Carlos Alzagak adierazi du "uholdearen handitasun berak" San Inazio kalean jazotako ondorioak sortuko zituela, nahiz eta zubi berria eraikitzeko obren aurretiko egoerari eutsi.