Iritzia 2004-01-30 20:41

Heriotzaren zoriontasuna eta lotsa - Mikel Carramiñana / Mediaberri

Erabiltzailearen aurpegia Ukberri Lotsaren harresia desagertu behar dela oihukatu diote Israelgo gobernuari munduko bazter gehienetatik, baina zutik dirau eta aurrera doa. Are gehiago, Libanorekin liskarretan jarraitzeko prestutasun osoa erakutsi dute Tel Aviv-etik azken egunetan. Badirudi benetan lasaiago dabilela Sharon Irakeko Sadam-en erregimena desagertu denetik. Lasaitasuna ulertu behar da hemen Palestinar herria inolako arazorik gabe sarraskitzeko askatasuna bezala. Azken hiru urteetan, bigarren Intifada piztu zenetik, 1.400 etxebizitza baino gehiago bota dituzte israeldarrek euren kolonizazioarekin jarraituz.
  Iritzia 2004-01-30 00:07

Uxoa - Unai Garate / Gidoigilea

Erabiltzailearen aurpegia Ukberri Gauza mordoren gainean batere ideiarik ez daukadala esatea ere soberan dago. Ziurtasunik ez egunero aipatzen diren hainbat gairen inguruan, eta ideiarik ere ez, egungo intelektual inpostoreak jorratzen dituzten tesi hermetiko hoietaz. Baina bai, gauzatxoren bat, badaukat argi, gutxi bada ere:

“Bakea” hitza modan dago telebistan, eta Gran Hermano eta Futbol Champions League merkatu handiekin dabil lehian lehenengo ikuskizunik poteretsuaren onarpena jasotzeko nahian. Hitza eta bere sinboloa. Uxoa, buf, uste dut horrezkeroztik dena gaizki joan dela.
  Iritzia 2004-01-27 23:03

Kalitate Legerik ez! - Xabier Ugalde / Ander Deuna Ikastolako zuzendaria

Erabiltzailearen aurpegia Ukberri “La Economía Social en la Educación, Servicio Público” izenpean Ikastolen Elkarteak/Partaidek urtarrilaren 28an eta 29an Topaketak antolatu ditu Bilbon. Honako topaketa hauek iaz Donostian burututakoen jarraipena ditugu. Euskal Eskola Publikoaren Legeak 10 urte bete dituenean bada garaia balantzea egiteko eta aurrera begirako beharrezko berrikuntzen eta aldaketen eztabaidari ekiteko.
  Iritzia 2004-01-25 20:50

Metroko segurtasun zerbitzuak, bezeroak etsai - Julen "Nafa" / ikaslea

Erabiltzailearen aurpegia Ukberri Garraio publikoek gaur egungo gizartean duten garrantzia gero eta handiagoa da, jende artean ezinbestekoak bihurtzen ari baitira herri batetik bestera mugitzeko, bitartean ingurugiroa garbi mantentzen laguntzen dogularik.
  Iritzia 2004-01-24 21:42

Dakar rallya gero eta kaskarragoa

Erabiltzailearen aurpegia Ukberri Inazio Etxebarria 'Guzurti'

Orain dela urte asko, Paris-Dakar zen Munduko rallyrik famatuena, normalean urtarrilaren 2tik 17ra egiten zen hiru modalitate desberdinetan: kamioiak, kotxeak eta motorrak.

Primerako gidariak parte hartzen zuten, batez ere frantziarrak eta finlandesak, hauek ziren, hain zuzen ere, gehienetan txapelketa irabazten zutenak.

Beranduago txapelketari izena aldatu zioten, Granada-Dakar, jende gutxiagok izena ematen zuelarik. Orain dela laupabost urtetik hona, Dakar bakarrik deitzen diote eta ordundik jende gutxiagok parte hartzen du, kalitate kaskarragoarekin gainera. Edozeinek irabazten du gaur egun.

Ondorioz, gero eta jende gutxiagok jarraitzen du rallyan. Paris-Dakar izango balitz, partehartzaileen kopurua gora egingo luke.
  Iritzia 2004-01-24 21:41

Merezi dugun telebista ote daukagu? - Iñaki Ozamiz / PTBko kolaboratzailea

Erabiltzailearen aurpegia Ukberri Azken egunotan pare bat iritzi artikulu irakurri ditut Ukberrin gaur egungo telebistaren inguruan. Artikulu horiek telebista ez zuten oso leku onean uzten. Nik telebistaren aldeko defentsa egingo dut, kalitatezko telebista baten defentsa.
  Iritzia 2004-01-23 22:19

Epaileak epaituz - Gabi Basañez / EHEko kidea

Erabiltzailearen aurpegia Ukberri Argi dago Euskal Herrian epaile izateko, edo epaileen epaile izateko ez dela derrigorrezkoa euskaldun izatea. Ez Zuberoan eta ezta Bizkaian bere. Euskaldunak bigarren mailako hiritarrak gara, beltzak Estatu Batuetan autobusetan ilen ezin zirenean legez. Problema da, ondino euskaldun asko ez direla horretaz konturatu. Edo konturatu arren, eskubideak gauzatzea ez dala errentagarri.
  Iritzia 2004-01-21 22:47

Animaliek ere sufritzen dute - Naia Diez / Kazetaritza ikaslea

Erabiltzailearen aurpegia Ukberri Joan den larunbatean Donostian egon nintzen eta nire osabarekin hitz egin nuen. Bera Gipuzkoako Animalien eta Landareen Babeserako Elkarteko bazkidea da. Gipuzkoan, joan den urtean bakarrik, 1.264 animalia hartu zituztela kontatu zidan, haietariko gehienak txakurrak. Kopuru handiegia iruditzen zait Gipuzkoan bakarrik izateko, eta ez dut pentsatu nahi Euskal Herriko osoan zenbatekoa izango den kopuru hau!
  Iritzia 2004-01-21 14:42

Kaiso, ni Karmele nais. Y ahora en castellano - Xabier Paya Ruiz / bertsolaria

Erabiltzailearen aurpegia Ukberri Barka iezadazu, irakurle. Barka iezadazu. Ez dakit zeren bila zatozen website honetara, ez dakit zer eman diezazukeen interneteko txoko honek, ez dakit zer espero duzun from me. Ez dakit zergatik hautatu duzun nire texta irakurtzea, inoren bitartez ezagutzen nauzulako, titlea deigarria egin zaizulako edo beste baten testuaren bila unfortunately eta nahigabe saguaren ezkerreko botoia klikatu duzulako.
  Iritzia 2004-01-19 22:30

Zenbat ikasturte dituzu? - Jokin de Pedro / irakaslea

Erabiltzailearen aurpegia Ukberri Irakasle jendearen urtea irailean hasten da eta ekainean amaitu. Bitartean uztaila da, ekaineko burrunbadan burutu ezineko lan, asmo eta prestakuntzei bide emateko eta, oro har, zauriak milikatzeko. Psikologikoki osatzeko sasoia. Eta, ondoren abuztua, opor ofizialak edo arauzkoak.
  Iritzia 2004-01-18 21:20

Euskaldunok eskubide gosez - Iñigo Fernandez de Martikorena / EHEko kidea

Erabiltzailearen aurpegia Ukberri Orain bi aste gutun bat jaso nuen. Epaitegi batekoa. Zer esanik ez, ez nintzen poztu horrelakorik jasotzeagatik, haserretu baizik. Nire haserrea, aldiz, ez zen idazki judizialak kontatzen zituen gora beherengatik, baizik eta nire konputagailutik aspaldi erbesteratuta neukan fitxategi multzo bat berreskuratu behar izan nuelako: “Erdarazko epaitegikoak bueltatzeko” izeneko karpeta.
  Iritzia 2004-01-17 22:08

Larrialdi zerbitzuek Marx anaien kamarotea dirudite

Erabiltzailearen aurpegia Ukberri Inazio Etxebarria 'Guzurti'

Ospitaleko larrialdi zerbitzuak nahiko kaskarrak dira. "Box"-etan uzten zaituzte zaborra izango bazina bezala, zutaz ahaztu egiten dira eta, orduak eta egunak pasa daitezke norbait etorri arte.

Nire ustez, hobeto antolatuta egon beharko lirateke, gaixo bakarra egon beharko litzatekeen tokian, bizpahiru sartu beharrean. Larrialdietan sartu bezain pronto, gaixoa aztertu eta behaketa atalean utzi beharko lukete, dagokion patologiaren arabera sailkatuz. Mediku, ATS eta erizain bat egon beharko lirateke gaixo bakoitzeko.

Gurutzeta Ospitaleko Larrialdiak Marx anaien kamarotea dirudite eta, nire ustez, serio hartzeko gaia da, batzuk oso gaizki heltzen baitira. Beste batzuk, ordea, ezer gutxirekin. Azken hauek bota beharko lituzkete, dena okupatu ez dezaten.
  Iritzia 2004-01-17 22:08

Hau zoramena hau, Lucas! - Aitor Encinas / Kazetaritza ikaslea

Erabiltzailearen aurpegia Ukberri “Hartu arnasa. Utzi kezkak alde batera. Kendu zapatak, modua baldin badaukazu. Askatu pijamako botoiak ere, ohean baldin bazaude. Orain, patxadan eta jarrera egokian zaudela, heldu esku artean duzunari eta hasi irakurtzen, esperientzia berezi bat deskubritu behar duzu eta.”
  Iritzia 2004-01-16 22:37

Ez ete du inork morroi hau geldiaraziko? - Unai Brea / Kazetaria

Erabiltzailearen aurpegia Ukberri Lurra txiki bilakatu zaio, nonbait. Berton konkistatzeko ezer gutxi geratzen zaiola-eta, George Bush eskuin muturreko fanatikoak Ilargiari begiratzen dio orain. AEBetako enbaxada ireki gura du han, barra eta izardun bandera zoluan tinko ezarri eta beharbada guztiona ei den satelitea berrogeita hamaikagarren estatu izendatu. Pena da (Bushen ikuspegitik, jakina), Ilargian ez dagoela biztanlerik (dakigunez behintzat; egotekotan, oso ondo ezkutatuta egon dira orain arte, eta are hobeto ezkutatuko dira Bushen asmoen berri jakin bezain laster), eta konkista berria nahiko era paketsuan egin beharko duela Etxe Zurikoak, ohi eta atsegin duen estilotik urrun samar.

Biztanlerik ez badago, nori egotzi terrorismo delituren bat edo suntsipen handiko armak AEBen baimen barik egin izana? Nor zanpatu? Nor hil? Izan ere, bada petroliorik Ilargian? Ez dirudi. Martera bialdu duten tramankuluak ere jo ta ke dihardu inbasio baterako aitzakia bila (eurek ikerketa zientifikoa egiten ari direla diote, baina nik ez dut sinesten), eta oraingoz ez du tutik topatu.

George Bush Historiako tiranorik handienetako baten modura agertuko litzateke etorkizunean, Historia idazten dutenak beraren diskurtsoak idazten duten berberak ez balira. Horren ordez, mundu honetara pake santua ekarri zuen eta Ilargiko pakea betiko urratu zuen gizontzat agertuko da. Berriki jakin dugu Iraken inbasioa 2001eko Dorre Bikien aurkako erasoa baino lehenagotik zegoela erabakita, baina bost axola; AEB pakearen eta demokraziarik berme sendoena da planeta zahar honetan, eta hala onartzen ez duenak egurra baino ez du merezi.

Mundua zorotuta dagoela aspalditik genekien, baina oraintxe ari gara konturatzen bertan agintzen duena ere zoro samarra dela. Zoro arriskutsua gainera. Txoko honetatik, erretiroa lehenbailehen har dezala opatzea besterik ez zaigu geratzen. Eta ahal dela, Ronald Reaganek bezain osasuntsu goza dezala. Baina erne: ondotik etorriko dena beharbada are okerragoa izango da. Ameriketan edozer da posible.
  Iritzia 2004-01-15 23:19

Salba ditzagun gure balea txikiak - Xabier Kintana / EHUko irakaslea

Erabiltzailearen aurpegia Ukberri Segur aski istorio hau duela hamabost bat mila urte hasi zen, azken glaziazioaren amaieran. Garai hartan, hegoaldeko animalia batzuk ordura arte izotzek estaltzen zituzten lekuetarantz hedatzen hasi ziren, bizi-eremu berrien bila. Animalia horietako batzuk Euskal Herriaren hegoaldean gelditu ziren, Arabako lautadan eta Nafarroako lurralde lehorretan, iparraldeagoko klima hezea eta zoru belartsua haien bizimodurako desegokiagoak zirelako.
  Iritzia 2004-01-14 21:49

Futbolak elkartzen gaitu - Nahikari Ayo / Bertsolaritza irakaslea

Erabiltzailearen aurpegia Ukberri Urtarrilak 11, goizeko hamarrak, iratzargailua joka dabil. Ez daukat jaikitzeko gogorik, baina lana lana da eta gorantza, ze erremedio! Leioako Udaletik jaso nuen deia ostiralean, igandean “Mundialito” delakoaren finala zegoela eta aurkezle bat behar zutela euskaraz eta erdaraz aritzeko. Baietza eman nuen eta Sarrienako futbol zelaietara abiatu nintzen lokartu aurpegiarekin.
  Iritzia 2004-01-13 22:09

Go eta Software Librea - Osoitz Elkorobarrutia / Zuhar-eko langilea

Erabiltzailearen aurpegia Ukberri Go

Go Txinan sortutako joko bat da, orain dela 3.000 edo 4.000 urte inguru.

Txinan Wai Qi, Korean Baduk eta Japonen Igo deitzen diote. Internazionalki Go esaten zaio. Asian bereziki popularra da eta azken hamarkadetan Amerika eta Europan ere zabaltzen ari da. Jokoaren helburua kontrakoa baino lurralde gehiago kontrolatzea da, horretarako kontrakoaren piezak isolatuz.
  Iritzia 2004-01-12 22:07

Olentzeroren sua - Josu Landeta / irakaslea

Erabiltzailearen aurpegia Ukberri Txikiak ginenean, nire belaunaldikook gabonak orain egiten dugun legez ospatzen genituen. Hala ere orduan ez geneukan Olentzeroren ezagupenik: Gabon-gaua eta Gabon-egunak Jesusen jaiotza ospatzeko sasoiak ziren eta opariak Errege Magoek ekartzen zizkiguten. Denborak eta egoera aldatzeak erakutsi zigun Euskal Herrian aintzinetik Olentzero bazegoela; umeei (eta nagusioi) opariak ekartzen hasi zitzaigun, eta horrez gain Kristo jarri baino lehenagotik negu gorrian sua berriztatzera datorkigula konturatu ginen.
  Iritzia 2004-01-10 21:09

Dirua beharrezkoa baino ez denean gastatu behar da

Erabiltzailearen aurpegia Ukberri Inazio Etxebarria 'Guzurti'

Familia askori 'urtarrileko aldapa' delakoa berdin zaie, askotan jendea beherapenetara doa ez zer edo zer behar duelako, baizik eta joateagatik eta erosteagatik.

Nire galdera: zertarako balio du guzti honek gabonetan aparteko soldata bazkarietan, afarietan eta umeentzako oparietan gastatu ostean?

Ez litzateke hobeagoa izango erosi behar dugunean baino ez erostea, banketxean maileguak eskatu beharrean? Gainera gero udako oporrak helduko dira, eta orduan zer?

Ondorioz: dirua jan ahal izateko aurreztu beharko genuke, eta sobratuz gero, txiroen artean banatu, eta ez gehiegikeriarik egin.
  Iritzia 2004-01-10 21:09

Biktima-lehiaketa - Antton Azkargorta / EHUtik kaleratutako irakaslea

Erabiltzailearen aurpegia Ukberri Bat batean mundua biktimaz bete da. Guztiok gara edo izan gara inoiz zerbaiten edo norbaiten biktima. Haatik, horrek ez du esan nahi beti eta ongi zehaztuta agertzen direnik egoera horien erantzuleak. Agian, sakonean, horretarako aukera egokia suertatzen bada gu geu ere borrero izan gaitezkeelako susmoa dugulako.