Kultura 2004-02-19 22:58

Inauteriak heldu dira Uribe Kostara

Erabiltzailearen aurpegia Ukberri Inauteriak, aratuzteak, karnabalak... hamaika izen urteko ospakizun gozagarrienetako bat adierazteko. Miel Otxin edota Ziripot bezalako pertsonairik ez daukagu eskualdean, baina gazte zein helduk badauka ondo pasatzeko aukera Uribe Kostan ere bai. Besteak beste, Ibilaldia 2004 aitzaki, ostiral goizean Erromon gora eta behera ibiliko dira Betiko Ikastolako haurrek, auzo horretako kaleak kolore, abesti eta musika doinuz betetzeko. Arratsaldean, antzezpena egongo da ikastolan bertan.
  Kultura 2004-02-18 22:27

Lege-testuak euskaratzeko hitzarmena sinatu dute EHUk eta Jaurlaritzak

Erabiltzailearen aurpegia Ukberri Joseba Azkarraga Eusko Jaurlaritzako Justizia, Lan eta Gizarte Segurantza sailburuak eta Manuel Montero EHUko errektoreak elkarlanerako hitzarmena sinatu dute gaur, asko erabiltzen diren dozena bat lege-testu euskarara itzultzeko, hala nola, Botere Judizialaren Lege Organikoa, Langileen Estatutua, Jurisdikzio Kontentsiozo-Administratiboko Legea edota Auzitegi Konstituzionalarena.

Akordioaren arabera, aipatutako lanaren inguruko aholkuak eman eta itzulpena egingo dute EHUko irakasle eta ikerlariek; Justizia Sailak, berriz, finantzazioa hartuko du bere gain. 2004rako aurreikusitako aurrekontua 90.152 eurokoa izango da.
  Politika 2004-02-17 21:31

Amnistiaren Aldeko Mugimenduaren Hausnarketari buruzko hitzaldia bihar Erromon

Erabiltzailearen aurpegia Ukberri Amnistiaren Aldeko Mugimenduaren Hausnarketa Prozesuaren baitan, hainbat ekitaldi publiko burutzen ari dira Uribe Kosta eskualdean. Besteak beste, otsailaren 18an (bihar), hitzaldia emango dute 20:00etatik aurrera, Erromoko Herriko Tabernan. Otsailaren 19an (etzi), berriz, Leioako Kultur Etxean izango da ekitaldia ordu berean. Bietan, sarrera dohainik izango da.
  Hezkuntza 2004-02-17 20:05

Azterketa emaitzak telefono mugikor bidez hartzeko sistema egiten ari dira jada

Erabiltzailearen aurpegia Ukberri EHUko ikasleei, azterketan emaitzak telefono mugikorraren bidez bidaltzeko sistema garatzen ari da Sanort izeneko Leioako enpresa txiki batek. Hasiera batetan, Euskaltel eta Amenarekin ez du funtzionatuko zerbitzuak, eta mezu bakoitzeko 20 zentimo ordaindu beharko dute erabiltzaileek. Beraz, unibertsitateak ez du ezertxo ere ordaindu beharko.
  Hezkuntza 2004-02-16 21:37

Unibertsitate Legearen diktamena onartu dute SAren abstentzioari esker

Erabiltzailearen aurpegia Ukberri PP eta PSE-EEk "Batasunarekin akordioa egitea" leporatu dio Hirukoari; SAk, "gurekin hitz egindako eta negoziatutako atal asko" daudela azpimarratu du

Sozialista Abertzaleak taldeko parlamentarioak abstenitu egin dira gaur Unibertsitate Legearen diktamena aurrera atera ala ez egindako bozketan. Gasteizko Hirukoak aurkeztu du lege proposamena, eta PPk eta PSE-EEk haren aurka bozkatu dute. Diktamenak Eusko Jaurlaritzak aurkeztutako lege proiektua du oinarri bezala, eta PP, PSE-EE eta SAren zuzenketak ere jasotzen ditu. Lege proposamena hil hon 25ean eramango dute plenora.

Gehiago irakurri
  Kultura 2004-02-12 20:38

Europan egondako EHUko ikasleek artelanak erakutsiko dituzte Barakaldon

Erabiltzailearen aurpegia Ukberri Erasmus-Socrates egitasmoaren bitartez, joan den ikasturtean Europako eskoletan egon ziren EHUko Arte Ederretako Fakultateko zenbait ikaslek euren lanak erakutsiko dituzte, gaurtik otsailaren 25era bitartean, Barakaldoko Udal Erakusketa Aretoan. Guztira 30 bat lan izango dira ikusgai, ikasleek atzerrian egon ziren bitartean egin zituztenak. Besteak beste, Alemania, Austria, Belgika, Britainia Handia, Bulgaria, Errumania, Finlandia, Frantzia, Grezia, Holanda, Italia, Norvegia, Polonia eta Portugaleko unibertsitateetan egondako ikasleenak dira artelanak.
  Politika 2004-02-06 22:16

Ikasle presoenganako tratu berezirik ez dagoela erantzun dio PPri Iztuetak

Erabiltzailearen aurpegia Ukberri Euskal Herriko Unibertsitatean matrikulatutako ikasle presoen gaineko txostenak, hauenganako "faborezko tratua dagoenik" ez du adierazten, Iñaki Ortega PPko legebiltzarkideak egindako galderari Angeles Iztueta Hezkuntza, Unibertsitate eta Ikerkuntza sailburuak erantzun dionaren arabera. Halaber, kezkatuta agertu da Iztueta, "behin eta berriro, EHUren kalitatea eta profesionaltasuna dudatan jartzen" ahalegintzen direlako popularrek.
  Kirolak 2004-02-05 23:23

Euskadi Irratiko 2003ko Kirolari Onenaren Saria jaso du Joane Somarribak

Erabiltzailearen aurpegia Ukberri Joane Somarriba txirrindulari sopeloztarrak Euskadi Irratiko 2003ko Kirolari Onenaren Saria jaso du gaur Odile Kruzeta zuzendariaren eskutik. Ekitaldia Oiongo Faustino etxean egin da bertako nagusiek ere saritu egin nahi izan baitute.

Euskal Herri osoko 41 entrenatzaile eta aditu izan dira botoa ematen, horien artean, besteak beste, Raynald Denouiex, Ernesto Valverde, Javier Agirre, Pepe Mel, Jose Mari Amorrortu, Julian Gorospe, Sabino Angoitia, Dusko Ivanovic.
  Hezkuntza 2004-02-03 21:26

Martxoaren 24an erabakiko da Monteroren ordezkoa

Erabiltzailearen aurpegia Ukberri Euskal Herriko Unibertsitateko (EHU) Gobernu Bilerak gaur onartu ditu errektore berria aukeratzeko hauteskundeen araudia eta egutegia. Horrela, hauteskundeak martxoaren 24an egingo dira, eta hautagaitzak aurkezteko epea otsailaren 27an bukatuko da.

Hauteskundeetara ez dela aurkeztuko jakinarazi zuen atzo Manuel Montero jarduneko EHUko errektoreak. Arrazoi pertsonalak, familia alorrekoak eta profesionalak argudiatu zituen, baina guztien gainetik arrazoi pertsonalak daudela argitu zuen. "Unibertsitatearen barruan kudeaketa ardurekin zazpi urte baino gehiago egin ditut, eta jada nekatuta ere banago", adierazi zuen. Izan ere, lau urte egin ditu Monterok errektore karguan, baina aurretik Gizarte eta Informazio Zientzien Fakultateko dekanoa izan zen. Legealdiko "lorpenak" aipatzeko orduan, EHUren barruan lortu den "egonkortasuna" eta unibertsitate autonomiaren defentsa aipatu zituen Monterok. Unibertsitateak "terrorismoaren kontra" erakutsitako jarrera ere azpimarratu zuen.
  Kultura 2004-02-03 21:25

Goizetik gauera, kantuek beteko dituzte kaleak, Agate Deuna bezperan

Erabiltzailearen aurpegia Ukberri Getxo udalerrian, hamazortzigarren edizioa beteko du bihar Agate Deuna koru jaialdiak. Goizetik gauera, umeek zein nagusiek kantuz beteko dituzte herriko kaleak, bi ibilbidetan banatuta: Erromo-Areeta eta Algorta-Getxo. Ikastetxeetako abesbatzak goizean arituko dira, eta beste guztiak 19:00etatik 21:00etara. 20:00etatik aurrera, Algortako San Nikolas Plazan kantatuko dute Getxo auzoko koruek.

Gorlizen ere santa eskean aterako dira hainbat taldek. Besteak beste, ikasle eta irakasleek beteko dituzte kaleak goiz partean, arratsaldean Lirain Abesbatzari eta Aratz Dantza Taldekoei txanda emateko.

Azkenik, Sopelan, 180 euroko dieta jasoko dute lehiaketan izena eman duten guztiek. Goizean irteten direnek 12:00etan abestu beharko dute Udaletxeko Plazan; eta arratsaldekoek, 19:30ean. Horretaz gain, Loiola Ander Deunan, Urgitxeta Plazan, Iparragirre eta Sabino Arana kaleetan kantatu beharko dute guztiek. Ander Deuna Ikastola, Sopelako Udal Euskaltegia, Nikola AEK euskaltegia, Zipiriñe Ikastetxea, Sopelana BHI, Arratsaleak eta Munarri Abesbatza arituko dira besteak beste.
  Kultura 2004-01-29 17:00

Eusko Jaurlaritzak dirulaguntza ukatu dio Bizarra Lepoaneko hiru proiekturi

Erabiltzailearen aurpegia Ukberri Eusko Jaurlaritzako Hizkuntza Politikarako Sailburuordetzak ez du Bizarra Lepoan Getxoko Euskara Elkartearen hiru ekimen diruz lagunduko, egunotan banatzen ari den euskara sustatzeko dirulaguntzen ebazpenaren arabera. SEI eta Kontseiluarentzat ere berri txarrak izan dira.
  Ekonomia 2004-01-26 22:25

Lan-egutegia negoziatzea eskatu dute EHUko administrazio eta zerbitzu langileek

Erabiltzailearen aurpegia Ukberri ELA, LAB, EILAS eta CCOO sindikatuek EHUko Administrazio eta Zerbitzuko Langilegoaren lan-egutegia eta lan-poltsaren kudeaketarako moldaturiko testua negoziatzea eskatu dute gaur. Aipatutako sindikatuek EHUko gerentearen jarrera salatu dute prentsa ohar baten bidez, eta "plazak amortizatzen ahalegintzea, unibertsitateko zerbitzuak pribatizatea eta Funtzio Publikoaren Euskal Legea ez betetzea" leporatu diote. "Gerentearentzat, espedientea betetzeko audientziazko izapide bat besterik ez da negoziazio kolektiboa, negoziatzeko inolako borondaterik gabe eta, are gutxiago, akordioa lortzeko", adierazi dute.
  Jendartea 2004-01-22 18:38

Kontsumismoa vs. biziraupena, muturreko bi gizarteak

Erabiltzailearen aurpegia Ukberri Pertsona guztiak berdinak garela entzun behar dugu sarritan. Baina hori ez da egia izaten dirua tartean badago. Bestela zergatik utzi dugu Hirugarren Mundua horren marjinaturik, gu hemen hain ondo bizi garen bitartean? Ez litzateke zilegi denok berdinak izanda, guztion bizi-kalitatea ere hala izatea?
  Jendartea 2004-01-19 20:15

Ibilbidea egingo dute Santa Marinako haitzetan

Erabiltzailearen aurpegia Ukberri Santa Marinako haitzen inguruan, Sopela eta Urduliz lotuko dituen bidea egiteko proiektua bultzatzen dihardute bi herri horietako udalek. Honen bidez, xendazaletasuna eta trekking-a praktikatu ahal izango dira bertan. Egitasmo berri honen xehetasunak adosteko bidean daude Sopela eta Urdulizko udal korporazioek. Eta Jataondo mendi-nekazaritza elkarteak ere parte hartuko du.
  Jendartea 2004-01-13 18:58

Uribe Kostako hiru kide ETBko "Barnetegia" saioan

Erabiltzailearen aurpegia Ukberri Gaur hasiko den "Barnetegia" saio berrian hamalau lehiakideetatik hiru Uribe Kostarrak izango dira: Erika Likete sopeloztarra, Eneko Sanz algortarra eta Fakundo Aznarez Argentinako berangotarra.
  Hezkuntza 2004-01-08 21:48

Gero eta gaztelera gutxiago espainiar unibertsitateetako ikasgeletan

Erabiltzailearen aurpegia Ukberri Ikasketak gaztelera hutsez burutzen dituzten ikasleen kopuruak %20ko portzentajetan kokatzen da estatuko zenbait zentrotan, Gironako Unibertsitatean kasu. Azken hamarkadan gora egin du katalunieraz, euskaraz eta, proportzio txikiagotan, galegoz zein balentzieraz ikasteko hautaketa.

Jarraitu
  Jendartea 2004-01-05 21:56

Geltoki berriak jarriko dituzte Bizkaibuseko EHUko eta Armintzako lineetan

Erabiltzailearen aurpegia Ukberri EHUko Leioako campusa Bilborekin lotzen duen Bizkaibuseko linean, aldaketan egingo ditu datorren asteazkenetik aurrera, Bizkaiko Foru Aldundiko Garraio eta Herri Lan Sailak. Beste alde batetik, Plentzia-Gorliz-Andraka ibilbidean, hiru geltoki berri jarriko dituzte, Armintza Lemoizko Urizar auzoarekin hobeto lotzeko.
  Hezkuntza 2003-12-30 22:25

Legebiltzarrak atzera bota du Unibertsitaterako lege proiektua

Erabiltzailearen aurpegia Ukberri SAk, PPk eta PSEk aurka bozkatu dute; hala ere, hirukoak ekimena lege proposamen bezala bideratzeko eskaera aurkeztu du porrot egin eta berehala, "2004. urtean bertan legea izan dadin"

Ezustekorik ez zen izan eta Eusko Legebiltzarreko osoko bilkurak atzera bota zuen atzo Unibertsitaterako lege proiektua. Izan ere, Sozialista Abertzaleek (SA), PPk eta PSE-EEk legearen testuaren nahiz EAJ, EA eta IU-EBren zuzenketen aurka bozkatu zuten; alabaina, porrota gertatu eta minutu gutxi batzuk igarota, hirukoak Eusko Legebiltzarrean bertan ekimena aurkeztu zuen lege proiektua lege proposamen moduan bideratzeko. Lege proposamenak testu osoa izango luke, hots, oposizioko hiru taldeen zuzenketak barne. Hirukoaren ustea da era horretara onartu ahal izango duela legea, SAren laguntzarekin, eta PPren zein PSE-EErena ere baduela argudiatuz.

Jarraitu
  Jendartea 2003-12-30 20:06

Uribe Kostako Korridoreko obrak urrian

Erabiltzailearen aurpegia Ukberri Bizkaiko Foru Aldundiak jakitera eman duenez, 2004ko urrian hasiko dira Uribe Kostako Korridoreko hurrengo tartea eraikitzeko lanak. Berangoko Mimenaga auzoa eta Sopelana lotuko ditu zati berri honeki, eta bi kilometro inguruko luzeera edukiko du errepideak. Gainera, teknikoki, konplexutasun handikoak izango omen dira lanak, hasteko, aldapa jarri behar dutelako Mimenagako errotonda parean. Horren adibide, beharko dituzten 36.799.293 euro.
  Jendartea 2003-12-28 21:31

Bertsio ofiziala, bertsio erreala?

Erabiltzailearen aurpegia Ukberri Tamalgarria da gaur egun hedabideek jendearen pentsamoldean duten gehiegizko eragina. Hiritarrek ikusentzunezkoen bidez jasotako informazio guztia, eta are zuzenago telebistaren bidez jasotakoa, testualki irentsi egiten dute, hau lehenik prozesatu barik. Baina, zer nolako sinesgarritasun maila dute informazio horiek? Benetakoak al dira trasmititutako datu guztiak?

Adibide zehatz batekin aztertu dezagun gaia: Joan den urriko 13an, Burgoseko Medina de Pomar herrian gertakari penagarria eman zen. Asteburu hartan herriko jaiak ospatzen ziren eta Bilboko eta Medina inguruetako auzokideak bertara abiatu ziren festarako gogoz. Haietariko batek, F.J.L.M, hogeita lau urteko gaztea, Bilboko San Adrián auzokoa, heriotza aurkitu zuen ustez dibertsioa eskeiniko zion gau hartan. Larunbateko gaua zen eta herriko diskotekarik ospetsuenean zebilen jendea gaueko azken minutuak aprobetxatu nahian. Bat-batean bi gazteren artean hasitako eztabaida diskotekaren ateko burrukan amaitu zuen.

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04