Musika

11:00

Banda Gazteen 2. Alardea

Banda Gazteen 2. Alardea hartuko du Algortak zapatu honetan, apirilaren 27an. Kalejira bategaz hasiko da, 11:00etatik aurrera, eta, ordubete geroago, kontzertu bategaz amaituko da Andres Isasi musika eskolako sarreran.

18:00

Kristo Erosle parrokiaren 50. urtemuga ospatzeko kontzertu korala egingo dute apirilaren 27an

Algortako Kristo Erosle parrokiak 50 urte bete ditu eta, urtemuga hori ospatzeko, Eskuz Esku eta Lilura abesbatzek kontzertua eskainiko dute apirilaren 27an, zapatuan, 18:00etatik aurrera. Emankizuna elizan bertan izango da, eta sarrera doakoa izango da. Kontzertu hau parrokiaren urteurrenaren ekintzen barruan kokatzen da, joan den 2023ko urriaren 29an abiatu zituztenak.

19:30

David Whitehead-ek bere azken diskoa, "Skins", aurkeztuko du Areetako Musika Eskolan

Emanaldia arratsaldeko 19:30ean hasiko da eta sarrerak 5 euro balio du. Sarrerak bertako txarteldegian eros daitezke astelehen eta eguaztenetan, 17:00etatik 19:00etara, barikuetan 11:00etatik 13:00etara, eta kontzertu-egunean, 17:30etik aurrera.