Kurtzio kultur etxea

20:00

Dantza: "Hona"

Dantzaz konpainia gipuzkoarraren programa berritzaile bat da Hona, konpainiaren eta nazioarteko artista garrantzitsuen kolaborazioaren emaitza, eta ohiz kanpoko bi pieza koreografiko aurkezten dizkigu, bakoitza bere identitateagaz eta ikuspegi artistikoagaz.

18:00

Umeentzako antzerkia: "Zaintzaren dantza"

Meri ama izan berri da. Bederatzi hilabetez bere baitan eraman duen haurtxo horren zaindaria izan da. Era berean, gertaera hori kezka eta zalantza ugariren iturri bihurtu da. Zer heziketa emango diot? Zer izango da hazten denean? Lortuko al du zoriontsu izatea?

18:00

Umeentzako antzerkia: "Semaforoa"

Enekok ez die kasurik egiten semaforoei. Berehala lortu nahi ditu gauzak eta, horregatik, semaforoak oztopo bat dira berarentzat. Amets izeneko ezezagun batek bizitza lasaiago hartzeko eta gehiago jolasteko proposamena egingo dio. Baina Enekok ez dio kasurik egingo eta, behin, semaforoa gorrian dagoela, bidea zeharkatu eta ziztuan igaroko den argi erraldoi batek, ia-ia bertan irentsiko du. Sustoarekin ametsezko mundu batean sartuko da eta semaforoko pertsonaiek bizia hartuko dute, abentura dibertigarri bat proposatzeko. Baina Enekok ez daki zer egin, lehen bezala jarraitu ala semaforoko izakitxoek proposatzen diotena egin. Semaforoa antzezlan multimedia bat da, antzerkia, bideo-animazioa, interakzioa eta musika biltzen dituena. Logela Multimedia konpainiak zuzeneko ikuskizun bihurtzen ditu ekoizpen digitalak. Sormen prozesu honetan hainbat diziplina lantzen ditu: animazioa, interakzioa, diseinua, musika… Aurten ere Social Antzokiko agertokira igoko dira Semaforoa azken lanarekin gozatzeko.

18:00

Umeentzako zinema: "Central parkeko heroiak"

Don irudimen mugagabea duen txotxongilo iheslaria da, eta DJ Doggy Dog lagun bila dabilen pelutxe abandonatua da. Biek Central Parken egingo dute topo eta adiskidetasun abentura epiko batean murgilduko dira.

20:00

Kontzertua: Erromintxelak

Erromintxelak ez da musika bakarrik: dardar egiten duen energia da eta konturatu orduko mugiarazi egiten zaitu. Arrasatetik dator, agertoki bakoitza benetako festa bihurtzen duen swing gipsy konbo hau. Akustikoa, benetakoa eta arimaz betea, bere zuzenekoa soka, haize eta erritmo arteko bidaia da. Euskaraz abestuz eta nota bakoitzean bihotza jarrita, tradizioa eta groove hutsa nahasten dituzte. Taldea 2021ean sortu zen, eta musika bizi eta arnasten duten musikariek osatzen dute: Jon, Iñigo, Aitor, Jokin eta Andoni. Bere soinua swingaren dotoreziaz eta gipsy manouche-aren txinpartaz elikatzen da. 

20:00

22:00

Mendi tour

Mendiko hiru pelikula egongo dira ikusgai, arrastiko 20:00etatik aurrera.