Emakume Langileen Nazioarteko Eguna 2020

Barrikako Emakumeen Etxea inauguratuko dute martxoaren 8an

© BARRIKAKO EMAKUMEEN HITZA

Hainbat ekitaldi prestatu ditu martxoaren 8rako Barrikako Emakumeen Hitza elkarteak, horien artean Emakumeen Etxearen inaugurazioa. Emakumeak batu eta hainbat jarduera egiteko gunea izango da.

"Gizartean dauden desparekotasun- eta bereizkeria-egoerak zuzentzeko xedez", kalera ateratzeko deia egin du Barrikako Emakumeen Hitza elkarteak. Lehenik, Emakumeen biribilgunean batuko dira, 11:45ean, elkarretaratzea egiteko eta manifestua irakurtzeko, eta ondoren,12:00etan, Barrikako Udalak sortutako Emakumeen Etxea inauguratuko dute.

Ekitaldian hainbat emankizun egingo dituzte. Besteak beste, herriko euskal dantza taldeak, Irene Fraile abeslariak, antzerki-taldeak eta Paule Loizaga bertsolariak hartuko dute parte. Amaitzeko, Barrikako emakumeen omenezko bazkaria egingo dute seigarrenez. 

Erlazionatuak

"Antolatu indarrak, batu borroka feministara"

Indarrak antolatzeko eta borroka feministara batzeko deia egin du Barrika, Gorliz, Lemoiz eta Plentziako mugimendu feministak. Hala, hainbat jardue...