Barrikako jokalariaren 2023. urtea izugarria izaten ari da. Scottie Scheffler estatubatuarra eta Rory McIlroy ipar irlandarra gainditu ditu sailkapenean, eta, hala, 2020ko uztailean lehen aldiz eskuratutako postua berreskuratu du barrikoztarrak.
Jon Rahmen denboraldi-hasiera inoiz ikusitakoa izaten ari da azken 48 urtean. Izan ere, azken hamarkadotan kirolari batek ere ez ditu PGAko hiru txapelketa irabazi otsailaren erdialderako. Barrikoztarrak, Genesis Invitational honetaz gain, Hawaiiko Sentry Tournament of Champions-en eta La Quintako The American Express-en ere jaso du garaikurra, Tiger Woods edo Jack Nicklaus bezalako elezaharrek lortu ez zutena.
