Martxoaren 21ean igaroko da Korrika Barrikatik eta, hori dela-eta, zapatu honetan, hilaren 16an, jaialdi bat ospatuko dute udalerrian. Aurtengo edizioaren leloa "Harro Herri" da, eta festak ere izen hori hartuko du. Egun horretan, zenbait jarduera eskainiko dituzte, "familia barrikoztarrak ekitaldi handirako prest egon daitezen".
Jarduerak 12:00etan hasiko dira, futbol-zelaian, peto bat eta pankarta bat egiteko tailerragaz. Ondoren, 13:00etan, herri-korrika bat abiatuko da futbol-zelaitik, eta frontoian amaituko da. Bertan, 13:30 inguruan, txalaparta tailerra eta hamaiketakoa egingo dituzte. Gainera, barrikoztarrek Korrikako materiala erosi ahal izango dute.
Martxoaren 21ean, 06:21ean, Korrika Ardantzako gasolindegitik igaroko da; beraz, Barrikako Udalak herritarrak parte hartzera animatu gura ditu, kilometro hori babesten baitu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
