Koronabirusa Uribe Kostan

Eraikin publikoak ixteko agindu du Berangoko Udalak

Koronabirusa dela eta daborduko iragarritako neurriei beste batzuk gehitu dizkie Berangoko Udalak: zenbat eraikin publiko guztiz itxi eta bertan inolako jarduerarik egitea eragotziko dute. Berangoeta eta Santa Anako kultur etxeei, Berango Antzokiari, futbol-zelaiari, Emakumeen Etxeari, Nagusien Etxeari eta Udal Pilotalekuari eragingo die neurriak.

Gainera, Udalak herritarrei arreta telefonoz (94 668 00 08) edo posta elektronikoz (berangokoudala@berango.org) ematea lehenetsiko da. "Aurrez aurreko arreta ahalik eta txikiena izango da, betiere lehenago telefonoz hitzartutakoa eta banan-banakoa", azaldu du Udalak.

Bestalde, osasun-agintariek emandako hainbat gomendio gogorarazi ditu Udalak:

  • Giza harremanak ahalik eta gehien murriztea
  • Norberaren garbitasunari dagozkion aholkuak betetzea
  • Jende asko dagoen lekuetara ez joatea
  • Parke eta jolas-guneetara ez joaten saiatzea
Erlazionatuak

Berango Antzokia guztiz ixtea erabaki du Udalak

Berango

Zenbait zerbitzu eta ekitaldi publiko bertan behera geratuko zirela iragarri eta biharamunean, Berango Antzokia guztiz itxiko duela iragarri du Ber...
Kirolgunea eta Nagusien Etxea itxi eta umeei zuzendutako ekitaldiak bertan behera utzi ditu Udalak

Berango

Berangoko Udalak, "Eusko Jaurlaritzak xedatutakoarekin bat etorriz", iragarri du bihartik aurrera (martxoak 13) itxita egongo direla udal-kirolgune...