Patxi Ruizek gose- eta egarri-greba hasi zuen maiatzaren 11n, Murtzia II espetxeko osasun-baldintzengatik protesta batean parte hartu ostean funtzionarioek egindako mehatxuak salatzeko. Haren osasunak okerrera egin du grebaren ondorioz; atzo egarri-greba egiteari utzi zion, baina jan barik segitzen du.
Patxi Ruiz presoaren aldeko egun osoko elkarretaratzeak egitera deitu dute
Gose-grebaren hamahirugarren egunean Patxi Ruiz iruindar presoa "muturreko egoeran" dagoela salatu dute deitzaileek, Facebook bidez. Hala, maiatzaren 23 eta 24an (zapatua eta domeka) txandakako elkarretaratzea egitera deitu dute, "Gudarien Enparantzan" (Berangoko Pilotalekuaren aurrean), 12:00etatik 21:00etara. Uribe Kostako herritar guztiei deitu diete mobilizazioan parte hartzera.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun