Iazko udan, berangoztar bat salatu zuen Amenabar enpresak, bere irudia "zikindu" zuelakoan. Salatutakoak irratsaio batean parte hartu zuen, Berango Lurraren Defentsan kolektiboaren izenean, eta, hori aprobetxatuta, enpresak haren irudia kaltetzen zuten kartelak eta pankartak jarri izana leporatu zioten ekintzaileari; ordainetan, 50.000 euroko isuna eskatzen zioten. Hala ere, gaur, ekainak 22, Berango Lurraren Defentsanekoek jakinarazi dute salaketa hori bertan behera gelditu dela.
Amenabar enpresa eraikitzaileak berangoztar bati jarritako salaketa bertan behera utzi du epaitegiak. Horren aurrean, Berango Lurraren Defentsak taldea argi du enpresa horren asmoa ekintzaileak "kikiltzea" izan dela, "eta, horrela, inor ez zedila ausartu euren jardun okerra kritikatzera, adierazpen askatasuna zuzenki erasotuz".
Hala ere, Berangoko taldeak nabarmendu du eurakaz ez dutela ezer lortu, eta hainbat proiektu salatzen jarraitu dute, hala nola Icaza jauregiaren trukea eta Itze errekaren asfaltatzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
