Amenabarrek 50.000 euro eskatu dizkio berangoztar bati "enpresaren irudia zikintzeagatik"

Aurreko batean egindako manifestazio baten artxiboko irudia.

Berango Lurraren Defentsan kolektiboak zabaldu duenez, taldearen izenean irratsaio batean parte hartu zuen pertsona baten aurkako prozesu judiziala jarri du martxan Amenabar enpresa-eraikitzaileak. Besteak beste, haren irudia kaltetzen duten kartelak eta pankartak jarri izana leporatzen diote eta, ordainetan, 50.000 euroko isuna ordaintzea eskatu du. Horri erantzunez, kolektiboak elkarretaratzea deitu du otsailaren 23rako, enpresak Berangon duen bulegoaren aurrean.

Amenabar enpresa-eraikitzaileak jarritako salaketa baten ondorioz, Berangoko bizilagun batek 50.000 euroko isuna jaso dezakeela deitoratu du Berango Lurraren Defentsan kolektiboak. Ekintzaileek azaldu dutenaren arabera, taldearen izenean irratsaio batean parte hartu zuen pertsona baten izena hartu eta, "beste azalpenik eman gabe", haren aurkako prozesu judiziala hasi zuen Amenabarrek. "Besteak beste, enpresaren irudia lausotzen duten kartelak eta pankartak jarri izana leporatzen diote", zabaldu du talde ekologistak. Horrez gainera, deitoratu du enpresak eskatu duela taldeko sareak eta posta elektronikoa erabiltzen dituzten pertsonak identifikatzeko, "haien aurkako salaketa zabaltzeko".

Egoera horren aurrean, Berango Lurraren Defentsan kolektiboak elkarretaratzea deitu du datorren otsailaren 23rako, Amenabar enpresak Berangon duen bulegoaren aurrean, "auzotarrari elkartasuna adierazteko eta enpresaren mehatxuak arbuiatzeko". Era berean, Otxabene sektorearen eraikuntzaren "irregulartasunak" salatzen jarraituko dutela ziurtatu du kolektiboak, Icaza jauregiaren trukearen kasua kasu.

Erlazionatuak

Babes ofizialeko 216 etxebizitza egiteko akordioa lortu dute Berangoko Udalak eta Amenabar Etxegintza enpresak

Berango

Otxabene inguruko bost lursail urbanizagarriren ugazaba izango da Amenabar Etxegintza Bizkaia S.L. enpresa, Berangoko Udalagaz izenpetutako hitzarm...
Uribe Kostako hirigintza-eredu "basatiari" aurre egiteko GuNe kolektiboa sortu dute

Uribe Kosta

Getxoko Tosu landaren hustuketaren ondoren, eskualdeko hirigintza-eredu "inklusibo, parte-hartzaile, irisgarri" baten alde lan egiteko kolektiboa j...
Berangoko hirigintza-ereduak eztabaida piztu du udalerrian

Berango

Eusko Jaurlaritzako Udalplan datu-baseko datuen arabera, 2011n onartutako Hiri Antolamendurako Plan Orokorrean (HAPO) oinarrituta, Berangok 2.658 e...
Icaza jauregiaren jabetza baieztatu du Udalak Berango Lurraren Defentsan taldeak jarritako helegitea baztertu ondoren

Berango

Duela urte bi Amenabar etxegintza-enpresaren parte den Inmogroup Grupo Promociones Inmobiliarias S.A.-ren eta Berangoko Udalaren artean higiezinak ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun