Alconzako langileak borrokan

EAEko Justizia Auzitegi Nagusiak Alconzako kaleratzeak baliozkatu ditu

Alconzao beharginek joan den otsailaren 28an abiatu zuten greba mugagabea.

Berangoko Alconza lantegiak apirilean gauzatutako 25 kaleratzeak baliozkatu ditu EAEko Justizia Auzitegi Nagusiak, “enpresaren bideragarritasuna” bermatzeko justifikatuta zeudela iritzita.

Joan den uztailaren 12an emandako epaia ez da irmoa, baina, horren arabera, enpresak "kaleratze kolektiboa egiteko arrazoi ekonomiko eta produktiboak" argudiatzeko hartutako erabakia zuzenbidearen araberakoa da, eta, horrenbestez, LABek hasieran aurkeztu zuen demanda, eta gerora ELA eta CCOO sindikatuek bat egin zutena, errefusatu du.

Auzitegiak ez du onartu zuzendaritzak "immobilismoagatik" egindako fede txarreko negoziazioaren salaketa; izan ere, epaiak dioenez, "kaltetutako langileen kopurua murrizten joan zen enpresa, hasierako 38tik amaierako 25era; kalte-ordainaren zenbatekoa handitu egin zen; eta birkokatzeko plana eskaini eta hobetu zuen".

Gainera, ebazpenaren arabera, “agerikoa” da enpresak pilatu dituen galera ekonomikoak, eta, ondorioz, kaleratzeetarako "arrazoi ekonomiko eta produktibo argiak daude".

Egoera horren aurrean, EAEko Justizia Auzitegi Nagusiak uste du "proportzionala" dela kaleratutako langileen kopurua, eta sindikatuen eskaerak errefusatu ditu.

Erlazionatuak

Alconzako lan-gatazka fase berri batean dagoela iragarri du LAB sindikatuak

Getxo

Ekainaren 28an izan zen Berangoko Alconza lantegiko 25 kaleratzeen kontrako epaiketa, Bilbon. LAB sindikatuak iragarri duenez, despeditutakoen etor...
Alconza lantegiaren etorkizuna, borrokan

Berango

Gaur, ekainak 7, 100 egun bete dituzte greban Alconzako grebalariek. Berangoko lantegiko egoera ekonomikoa hobetu guran, Irizar Taldeko zuzendaritz...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun