Ia urte bi daramatzagu argazkigintzaren munduaren nondik norakoak azaltzen HIRUKA aldizkarian –ikusi hemeroteka–; orain, ikasitako guztia praktikan jartzeko unea heldu da. Prest zaude? Igo atal honetara zure argazkiak irailaren 30a baino lehen eta sari bi irabazteko aukera izango duzu: 60x40 zentimetroko metakrilato-argazkia eta Fujifilm Instax Mini 11 argazki-kamera.
"Argazkilaritzaren txokoan" ikasitakoa praktikan jartzeko argazki-lehiaketa antolatu dugu. Parte har ezazu!

Uribe Kosta

Askatasun –ia– osoz mugitu gaitezkeen urte honetan, oporrak, ihesaldiak edo dena delakoak zelan, non eta nogaz igarotzen duzun konpartitzeko aukera duzu hemen, betiere urte biotan argazkilaritzari buruz ikasitakoari eraginda. Hala, udako abenturak islatzen dituen argazkia HIRUKAri bidaltzea gura dugu, irailaren 30a baino lehen, le­hiaketaren atalera igoz edo foto@hiruka.eus helbidera bidalita.