Emakumearen hilotza goizaldean topatu dute Mezo kaleko etxe batean. Gorpua aurkitu ondoren, euskal Poliziak susmagarria bilatzeari ekin dio, autoan eta ohiko lekuetan zentratuz. 19:30ak aldera, Unbeko ostatu batean ibilgailua aurkitu dute, handik gertu, establezimenduaren barruan, ustezko hiltzailea atxilotu aurretik. Homizidioa egotzi diote. Atxilotua Ertzaintzaren instalazioetan dago, epailearen aurrean jartzeko zain. Bitartean, Ertzaintzak ikerketa jarraituko du, gertaerak argitzeko asmoz.
Astrabuduko ustezko hiltzailea atxilotu du Ertzaintzak
Ertzaintzak atzeman du Astrabuduan hilik agertu den emakumearen ustezko erailea. EAEko Poliziak zabaldu duenez, atxiloketa Leioako Unbe mendiko Akarlanda parkean izan da, 19:30ak aldera, susmagarriak erresistentzia jarri barik. Homizidioaren usteko egileak 38 urte ditu eta zendutako andraren bikotekide ohia zen, Ertzaintzaren arabera.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun