Txabeli Delgado astrabuduarrak eta Ziortza Fernandez, Zaloa Respaldiza eta Sendoa Jurado amnistiaren aldeko mugimenduaren militanteek uko egin zioten Espainiako Auzitegi Nazionalera joateari. Ertzaintzak herenegun atxilotu eta atzo epailearen esku utzi zituen; deklaratzeari uko egin ondoren askatu egin zituzten. Fernando Andreu magistratua ikertzen dabil pasa den udan Bilbon egindako amnistiaren aldeko manifestazioa eta atzo galdekatutakoak eta beste lagun bi auziperatu ditu. Bestalde, Burlatako Xabier Arina gazteak ere desobedientzia agertu du egunotan eta Burlatako jaietan presoen alde egindako toparen auziaz Auzitegi Nazionalean deklaratzeari uko egin dio.
Ehunka lagunek babestu dituzte Delgado eta beste auziperatuak
"Amnistia osoa. Desobedientzia eta borroka!" goiburupean, manifestazioa egin zuen atzo arrastian Amnistiaren Aldeko eta Errepresioaren Aurkako Mugimenduak (AAEAM); antolatzaileen arabera, 350 bat pertsonak hartu zuten parte. Bildutakoek herenegun atxilotutako lau kideen eta Xabier Arinaren desobedientzia-ekimenak babestu zituzten.
Erlazionatuak
Txabeli Delgado astrabuduarra atxilotu dute
2016 eka 08 Erandio
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun