Uribe Kosta jaietan 2016

Erandioko Udaltzaingoak eta Ertzaintzak segurtasun-dispositiboa jarriko dute Altzagako jaietan

Erandioko udaltzain bi. © ERANDIOKO UDALA

Erandioko jaiak direla-eta, eguenetik domekara elkarregaz dispositiboa jarriko dute Erandioko Udaltzaingoak eta Ertzaintzak, "gorabeheren prebentzioa bermatzeko eta herritar guztiek jaiak segurtasunez gozatzea ziurtatzeko", Eusko Jaurlaritzaren Segurtasun Sailak zabaldutakoaren arabera.

Ertzaintzak eta Erandioko Udaltzaingoak indartu egingo dute agente kopurua jaiegun hauetan. Horrela, polizia-patruila uniformedunak eta kalez jantzitakoak antolatuko dituzte. Agenteak jai-barrutian zein inguruetan hedatuko dituzte, eta Erandioko metro-geltokian ere egingo dituzte zaintza-lanak. Delituen eta bestelako gorabeheren prebentzioa da horren guztiaren helburua.

Halaber, prebentziozko alkoholemia-kontrolak egingo dituzte, kale eta errepideetan alkoholaren eraginpean gidatzea eragozteko. Arreta berezia jarriko diete alkohola saltzen duten lokalei, adingabeei edari alkoholdunak sal dakizkien saihesteko.

Jaietan garrantzi handia izango du substantzia sorgorgarrien trafikoa eta kontsumoa prebenitzeak eta zigortzeak. Udaltzaingoak eta Ertzaintzak jai-ekitaldietako parte-hartzaileei ohartarazi nahi diete diru-zorroak eta jabetzak are gehiago zain ditzatela; izatez, jaiak oro har eta bereziki kontzertuak direla-eta, jende andana bilduko dela baliatuta, ebasketan ibili ohi diren zorro-lapurren gisako delitugileen kopurua gehitzea aurreikusi dute.

Era berean, "arreta berezia" eskainiko diote "sexu-askatasunaren kontra izan daitezkeen delituen prebentzioari, eta, horretarako, mota horretako delituak egiteko lekurik arriskutsuenak zainduko dituzte", Segurtasun Sailak iragarri duenez.

Erlazionatuak

Etzi hasiko dira Altzagako jaiak

Erandio

Beste urte batez, Altzagako sanagustinek bat egingo dute Bilboko Aste Nagusiagaz, baina hori ez da traba izango erandioztarrentzat. Abuztuaren 24ti...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun