Pasa den martitzenean amaitu zen Erandioko udal aurrekontuak parte-hartzaileak izan daitezen Udalak martxan ipinitako lehenengo fasea. Daborduko, ekimenaren antolatzaileek lehenengo datuak eman dituzte. Denera, 568 iritzi eta ekarpen jaso dituzte.
Gehiengoa kalean jarritako informazio-karpatan batu dituzte: 347. Halere, kopuruak oso ezberdinak izan dira auzo bakoitzean; astrabuduarrak izan dira parte-hartzaileenak, 280 iradokizun eginda. Oso urrun geratu dira Altzaga (54), Lutxana (7) eta Erandiogoikoa (6). Bestalde, Internetez ekarpen denen laurdena baino gehiago bildu dute: 157. Proposamenak egiteko beste bideak izan dira postontzi ibiltaria (53) eta udaletxean bertan uztea (11).
Bihar ekarpenen inguruko datu gehiago emango du Udalak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
