Datorren azaroaren 5ean, herri-galdeketa egingo dute eskualdeko zenbait udalerritan, tartean Erandion. Bertako Gure Esku Dago taldeak zabaldu duenez, zapatuan, irailaren 9an, aukeratuko dute azaroan bozkatuko den galdera, "denon artean". Horretarako, berba-kafea antolatu dute Astrabuduko Josu Murueta plazan. Ekimena 11:00etan hasi eta 13:00etan bukatuko da.
Gure Esku Dagok erandioztar denak gonbidatu ditu Josu Muruetara bertaratu eta iritzia eta ekarpenak ematera. Gogorarazi dutenez, kurtsoa hasi berri dute, "eta erabakitzeko eskubidearen inguruko gertaera ugari ditugu zain". Aurreko ikasturtea "behar genituen sinadura guztiak eta gehiago" bilduta amaitu zuten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
