Politika  Berango  Erandio  Getxo  Leioa  Uribe Kosta 2017-11-05 21:01

Hamahiru mila lagunek bozkatu dute gaurko herri-kontsultetan

Hamahiru mila lagunek bozkatu dute gaurko herri-kontsultetan

Erabakitze-eskubidearen edo euskal Estatu burujabe baten inguruan bere iritzia eman dute gaur 13.613 uribekostarrek. Gure Esku Dago herri-plataformak gaur 13 udalerritan antolatutako herri-kontsultetan batez beste herritarren %13,07k parte hartu du. Uribe Kostan, Berango soilik ibili da mediatik gora: 966 boto (%16,18). Getxon, 8.083 boto-paper (%11,86) sartu dituzte hautetsontzietan; Erandion, 2.068 (%10,02); eta, azkenik, Leioan, 2.496 (%9,44). Maiatzaren 7ko galdeketako 5.007 botoak kontuan hartuta, Uribe Kosta osoan, 18.620 herritarrek eman dute botoa. Edonola ere, euskal herritarrok "gure kabuz eta aske" erabakitzearen alde bozkatu dute berangoztarren, getxoztarren eta erandioztarren gehiengoak eta "Euskal Herri burujabe" baten alde leioaztarrek.

  Politika  Berango  Erandio  Getxo  Leioa 2017-11-05 17:13

Milaka pertsonak parte hartu dute goizean A5eko galdeketetan

Goizeko 09:00etan eman diete hasiera Gure Esku Dago ekimenak bultzatutako herri-galdeketei. Bizkaiko eta Gipuzkoako 13 herritan egiten ari dira horiek, tartean, Berangon, Erandion, Getxon eta Leioan. Kataluniako egoera gogora ekarri guran, gainera, urriaren 1eko erreferendumean erabilitako hautetsontzi bana iritsi da herri bakoitzera; ondoren, adierazpena irakurri dute herriz herri. Bestalde, emakumeak izan dira botoa ematen lehenak, 1933an gaurko egunez lehen aldiz botoa eman zuten emakumeei omenaldia egiteko asmoz.

  Politika  Berango  Erandio  Getxo  Leioa  Uribe Kosta 2017-11-05 09:32

Hona eta Kataluniara begira daude gaurko herri-kontsultak

Hona eta Kataluniara begira daude gaurko herri-kontsultak

"Euskal Herrian erabakia gauza dadin" konpromisoa berretsi dute dozenaka herritarrek, goizeko 09:00etan Berangon, Erandion, Getxon eta Leioan ipinitako hautetsontzietan. Mahai denetan irakurritako adierazpenean, nabarmendu dute "Kataluniatik datozkigun berri txarrei erantzuteko ere baliatu" gura dituztela gaurko herri-galdeketak.

  Politika  Berango  Erandio  Getxo  Leioa  Uribe Kosta 2017-11-05 08:49

Herri-kontsulta izango da gaur Berangon, Erandion, Getxon eta Leioan

Herri-kontsulta izango da gaur Berangon, Erandion, Getxon eta Leioan

Gaur, Uribe Kostako lau udalerritako herritarrek erabakitze-eskubidea praktikan ipintzeko aukera izango dute. Gure Esku Dagok zabaldu duenez, 16 urtez gorako 121.167 herritarrek izango dute botoa emateko eskubidea Berangon, Erandion, Getxon eta Leioan. HIRUKA.EUSek zuzenean jarraituko die albisteei, #A5UK traola erabiliz. Gaur eguerdiko 13:30erako, 7.174 lagunek parte hartu dute herri-galdeketan; hau da, parte-hartzea % 5,92koa izan da ordurako.

  Politika  Berango  Erandio  Getxo  Leioa 2017-11-02 10:15

Azaroak 5, erabakiaren indarra

Azaroak 5, erabakiaren indarra

Datorren azaroaren 5ean Bizkaiko eta Gipuzkoako 13 herri batuko dira Gure Esku Dagok (GED) eragindako olatura; tartean Berango, Erandio, Getxo eta Leioa. Hala, udalerri horietako denetako 160.000 biztanlek parte hartu ahal izango dute egun horretan antolatuko dituzten erabakitzeko eskubidearen aldeko herri-galdeketetan. Gaur artean, galdeketa egin duten herrien arteko handiena izango da Getxo, ia 80.000 biztanle. «Zalantzarik gabe, olatu honetan salto kualitatibo garrantzitsua egingo da», iragarri du GEDk.

  Politika  Getxo 2017-11-01 13:45

Gure Esku Dagok bultzatutako herri-galdeketak deitoratu ditu Getxoko PPk

Gure Esku Dagok bultzatutako herri-galdeketak deitoratu ditu Getxoko PPk

Gure Esku Dago herri-ekimenak azaroaren 5erako deitutako herri-galdeketa deitoratu ditu Getxoko PPk. "Parte-hartze eskasa duen mugimendua da, kontrolik gabeko ekintzak egiten ditu eta erabiliko duen zentsuak ez du inolako balio legalik", salatu dute popularrek. Era berean, mota horretako ekimenek "Katalunian jazo den ezinegona eragiteko arriskua" dutela adierazi dute.

  Politika  Getxo 2017-11-01 13:10

Azaroaren 5eko herri-galdeketan parte hartzera eta “Bai” bozkatzera deitu du Getxoko ezker abertzaleak

Azaroaren 5eko herri-galdeketan parte hartzera eta “Bai” bozkatzera deitu du Getxoko ezker abertzaleak

Erabakitzeko eskubidearen aldeko herri-galdeketa egingo du azaroaren 5ean Gure Esku Dagok Bizkaiko eta Gipuzkoako 13 herritan. Horietako bat Getxo izango da; hori dela eta, ekimen horretan parte hartzeko deitu du Getxoko ezker abertzaleak. Atzo Algortan egindako agerraldian, "euskal errepublika euskaldun, sozialista eta feminista batekin amesten duen orori" baietzaren alde egiteko deia egin zuten 60 gizon-emakume inguruk.

Erandioko gehiengo politikoak herri-kontsultan parte hartzera deitu du

  Politika  Erandio

Erandioko gehiengo politikoak herri-kontsultan parte hartzera deitu du

EAJk, Ganemos Erandiok eta EH Bilduk herritarrei eskatu diete bozkatzeko domekan, azaroaren 5ean. Egun horretan, Gure Esku Dagok erabakitze-eskubidearen inguruko herri-kontsulta egingo du udalerrian. Atzo egindako agerraldian, hiru indar politikoen zenbait zinegotzik, hautetsik eta kidek herri-kontsultan botoa ematera deitu zuten. Alderdiek Erandioko 21 zinegotzietatik 15 dituzte, eta duela urte biko udal-hauteskundeetan 8.191 boto lortu zituzten, emandakoen %74,24.

Gure Esku Dago: "Demokraziaren festa izango da"

  Politika  Berango  Erandio  Getxo  Leioa

Gure Esku Dago: "Demokraziaren festa izango da"

Erandio, Leioa eta Getxon hautetsi izandako edo gaur egun diren 60 gizon-emakumek azaroaren 5eko herri-galdeketan parte hartzeko deia egin zuten zapatuan, hilaren 28an. Getxoko Bizkaia zubian egin zuten agerraldia, eta Javier Agirre Getxoko alkate ohiak eta Naiara Goiriena Leioako zinegotziak irakurri zuten adierazpena.

  Politika  Uribe Kosta 2017-10-24 16:59

Azaroaren 5eko herri-galdeketetan parte hartzeko botoa aldez aurretik eman daiteke egunotan

Azaroaren 5eko herri-galdeketetan parte hartzeko botoa aldez aurretik eman daiteke egunotan

Azaroaren 5ean, erabakitzeko eskubidearen aldeko herri-galdeketak antolatuko ditu Gure Esku Dagok eskualdeko lau herritan: Berangon, Erandion, Getxon eta Leioan. Hori dela eta, hautetsontziak kalera atera eta botoa emateko hainbat leku ipiniko dituzte egun horretan lau udalerrietan. Hala ere, azaroaren 5ean botoa ematera hurreratu ezin izango direnek aldez aurretik bozkatu ahal izango dute egunotan.