Herri-martxa egingo dute zapatuan Erandioko kiroldegietako grebalariek

Aurrekoetan ere herri-martxa egin dute grebalariek euren egoera gizarteratzeko.

Bi Sport enpresako langileek 190 egun baino gehiago bete dituzte greba mugagabean, euren lan-baldintzak "duin bihurtu" guran. Egoera horren berri emateko, herri-martxa egingo dute zapatuan, hilaren 26an, 11:00etatik aurrea. Astrabuduko Josu Murueta plazan jarri dute hitzordua.

Bi Sport enpresak Erandio eta Astrabuduko kiroldegietan kirol-jarduerak eta zerbitzuak eskaintzen ditu adjudikazio baten bitartez. Langileek sei hilabete baino gehiago daramatzate greba mugagabean, enpresagaz lan-baldintzak hobetzeko hitzarmen bat lortu nahian. Hasieratik, ELA sindikatuak eman die erabateko babesa; horren aurrean, enpresa leioaztarrak uko egin dio sindikatuagaz negoziatzeari.

Beharginek jakinarazi dutenez, Durangoko eta Getxoko udalek akordioak lortu dituzte kiroldegietako langileakaz, "udalek izandako borondate politikoari esker". Gogoratu dutenaren arabera, borroka horiek astebete baino gutxiagokoak izan dira.

Erlazionatuak

Erandioko kiroldegietako grebak hiru hilabete beteko ditu, negoziazioak apurtuta

Erandio

Zapatuan hiru hilabete beteko dira Erandioko kiroldegietako langile gehienek greba abiarazi zutenetik. Kexu dira, enpresak negoziatu gura ez duelak...