Loramendiko langileek greba mugagabeari ekingo diote urriaren 20tik aurrera

Atzoko agerraldia. © ECUADOR ETXEA

Erandioko Sanitas Loramendi zahar-egoitzako langileek lan-baldintzen aldeko borroka gogortuko dute bihar zortzi. Urriaren 20tik aurrera, lanuzteetatik greba mugagabera pasatuko dira. Hala jakinarazi zuten atzo, Bilboko Guggenheim museoaren aurrean.

Sanitas Loramendiko beharginak irailaren 17an hasi ziren eguneroko lanuzteak egiten, bertako garbitzaileei lanaldiak luzatzea eskatzeko. Dena den, aurretik ere bestelako mobilizazioak egin zituzten. ELA, LAB eta UGT sindikatuen babesa daukate.

Guggenheim aurrean atzio egindako agerraldian, helduen egoitzako langileek salatu zuten hainbat enpresek "artelan itzela" egiten dutela, prekarietatea baliatuta; nabarmendu zutenez, praktika hori sektore feminizatuetan hedatuta dago, bereziki.

Hain zuzen ere, Sanitas Loramendiko langileek egunero lau orduko lanuzteak egiten dituzte, joan den irailaren 17az geroztik, garbiketako lantaldeagaz elkartasunean. Hamahiru langile daude garbiketa-taldean, sukaldea, garbitegia eta solairuetako garbiketa egiteko. 15 urte daroatzate zatikako lanaldiakaz, eta egoera horrek bizi duten prekarietatea are eta gehiago areagotzen du, euren ustean. Langile horiei lanaldi osoa eman diezaieten dabiltza borrokan.

Erlazionatuak

Egunero lanuzteak egingo dituzte Erandioko Loramendi zahar-egoitzako langileek

Erandio

Sanitas Loramendiko greba-batzordeak jakinarazi du egunero lau orduko lanuzteak egiten hasi zirela atzo, irailak 17, egoitzako garbiketa-taldeko la...
Lan-gatazkak Erandion: lan-baldintzak salatu dituzte Sanitas Loramendiko eta Cables y Alambreseko beharginek

Erandio

Datorren astean lan-baldintza duinen aldeko mobilizazioak egiten hasiko direla iragarri dute Erandioko Cables y Alambreseko langileek. Vicinay tran...