Anton Fernandez eta Josu Muruetaren hilketak

Familiek "jasandako babesgabetasuna" gogoratu dute Fernandez eta Muruetari egindako omenaldi instituzionalean

Mende erdi bete da poliziak Josu Murueta eta Anton Fernandez erandioztarrak hil zituenetik.

Josu Murueta eta Anton Fernandezen hilketen 50. urteurrena zela eta Udaletxean egindako ekitaldian, haien oroimena gordetzeko konpromisoa agertu zuen Aintzane Ezenarro Gogorako zuzendariak. Aitziber Oliban alkateak, hildakoen senitartekoek eta Erandioko hainbat kolektibok parte hartu zuten omenaldian. 

Anton Fernandezek eta Josu Muruetak, 1969an polizien tiroz hildako erandioztar biek, "Euskadiren historian merezi duten lekua" emateko borondatea adierazi duen EAEko Memoria, Elkarbizitza eta Giza Eskubideen Institutuko (Gogora) zuzendari Aintzane Ezenarrok, atzo arratsaldez Erandioko Udalak antolatutako omenaldian. Ekitaldi horren bidez burutu da urri osoan zehar Fernandez eta Murueta gogoratzeko egindako ekintza-sorta. Besteak beste, erakusketak, berbaldiak eta, joan den domekan, Asua ibaia garbitzeko jarduera bat antolatu ditu Udalak, aspaldiko partez zuzenean eginez hildako biei omenaldia.

Hilketa haien erantzulerik ez da egundo ezagutu; Ezenarrok, izan ere, familiek jasandako babesgabetasuna aipatu zuen. Bai hark bai Aitziber Oliban alkateak konpromisoa agertu zuten ondorengo belaunaldiei "inoiz jazo behar izan ez zuten" gertakari haien berri zabaltzeko.

Erlazionatuak

Fernandez eta Muruetaren hilketen 50. urteurrenarekiko Udalaren jarrera kritikatu du EH Bilduk

Erandio

Erandioko Oroimena kolektiboak antolatuta domekan Josu Murueta eta Anton Fernandez omenez egingo den ekitaldian parte hartzera deitu du EH Bilduk, ...
Josu Murueta eta Anton Fernandezen hilketak gogoratzera deitu dute, gertakarien 50. urteurrenean

Erandio

1969ko urriaren amaieran, Erandioko herria gehiegizko kutsaduraren aurka borroka betean zegoela, herritar bi hil zituzten polizia frankistek tiroz:...