Koronabirusa Uribe Kostan

Sinadurak batzen hasi dira Perun geratu den erandioztar batentzat arreta medikua eskatzeko

Hainbat egunez etxera bueltatu ezinda Perun geratu ziren euskal herritarren arazoa konpondu egin da, baina ez guztiz. Taldeko kide batek, Mertxe Bilbao erandioztarrak, positibo eman du koronabirusa ote zeukan egindako proban, eta Limako ospitale batean geratu da bakartuta. Sinadura-bilketa abiatu dute etxera ekartze aldera behar bezalako arreta medikua eman diezaiotela eskatzeko.

Izenpeak change.org plataforma ezagunaren bidez dabiltza eskatzen, eta daborduko 300 lagun inguruk eman dute. Mertxe Bilbaok 68 urte ditu, eta sinadura-eskaeran azaltzen dutenez, Peruko ospitalea batean geratu da bakarrik eta behar bezalako arretarik gabe.  

Zehazki, Euskal Herrira lehenbailehen itzuli ahal izateko Bilbaori behar bezalako zaintza medikua ematea eskatzen dute sinadura-bilketa abiarazi dutenek. Une honetan Limako erietxe bateko pabilioi bakartu batean dago.

Sare sozialetan zabaldu da Espainiako Kontsuletxeko goi-kargu bat joan harengana, anbulantzia bategaz eta medikuakaz,  beste ospitale batera eroateko, baina Mertxe Bilbaoren senideek informazio hori gezurtatu dute.

Erlazionatuak

Perun dauden erandioztarrak bihar bueltatuko dira Euskal Herrira

Erandio

Konponbidea eman zaio, azkenik, Perutik etxera itzuli ezinda zeuden euskal turisten egoera latzari. Eusko Jaurlaritzak azaldu duenez, salbuespenezk...
Perutik itzuli ezinda dauden euskal turistekiko elkartasun-ekintza egingo dute gaur iluntzean Erandion

Erandio

Garai berriak ekarri duen mobilizazio-bide bakarretakoa baliatuko dute gaur Erandioko herritarrek martxoaren 20tik Perutik irten ezinik dauden erki...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun