Mikel Torres Bizkaiko PSE-EEren idazkari nagusiak gogorarazi du herrialdean hamar Herriko Etxetan egin direla pintaketak daborduko (Uribe Kostan hirugarrena da hau, aurretik Algorta eta Sopelan ere egin baitzituzten), eta horri gehitu behar zaiola Idoia Mendiaren etxeko atarian egindako erasoa. Bai horiek, bai EAJren Batzoki ugaritan egindakoak, Patxi Ruiz preso iruindarrak maiatzaren 11n hasitako gose-grebaren harira etorri dira.
Torresen esanetan, "alderdi bateko buruari (lehendakarigaia dena, gainera) egindako zuzeneko erasoak are larriago bihurtzen du berez oso larria den gertakaria". Bizkaiko sozialisten buruak gaineratu du pintadek ez dutela bere alderdiaren borondatea bortxatuko, ezta euskal gizartearen gehiengoak bizikidetzaren alde egindako apustua ere".
"Eraso horiek dakarten jazarpenezko indarkeriari emango diogun erantzuna lehengo bera izango da beti: euskal gizartearen pluraltasuna eta herritar guztiek askatasunez eta demokratikoki beren pentsaera adierazteko eskubidea sutsuki defendatzea", esan du Mikel Torresek.
