Portugalete eta Sopelako PSE-EEren Herriko Etxeetan agertutako pintadei gehitu behar zaie gaur Algortakoa. Mikel Torres Sozialisten Bizkaiko Idazkari Nagusiak esan duenez, pintaden egileak "intolerantzian eta gorrotoan" ainguratuta daude "eta ez dute elkarbizitza eta demokrazia batere errespetatzen". Era berean, azpimarratu du "eraso" horiekaz ez dutela "ezer" lortuko, "bakarrik gure eta gizartearen gehiengoaren gaitzespena".
Atzokoei jarraituz, Patxi Ruiz iruindar presoak abiarazitako gose- eta egarri-grebagaz eta harekiko elkartasuna adierazteko pintadak agertu dira gaur Algortako PSE-EEren Herriko Etxean. "Onartezina da gure egoitzen kontrako eraso-kanpaina hau. Egileak fanatiko hutsak dira; euren ekintzak deskribatzen dituzte eta argi uzten dute atzean utzitako garaiak gogoan dituztela", deitoratu du Mikel Torres Sozialisten Bizkaiko Idazkari Nagusiak.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun