Herri Bideak Kate Barik eta Auzokoa Herrikoi Elkarteak deituta, kutsaduraren aurkako ekintzak egingo dituzte bihar, zapatuan, Erandion. U30 Aldaketaldiagatik EAEn antolatu diren hainbat ekintzakaz bat eginez, Erandioko elkarte horiek herriko auzoetan duten kutsadura salatzeko mobilizazioak egingo dituzte.
11:30etik aurrera, ibilaldiak egingo dituzte, Astrabuduko Josu Muruetatik eta Erandio Goikoako Euskadiko enparantzatik hasita, Altzagan bukatzeko. 12:30ean kutsaduraren kontrako stand bat jarriko dute, batukada eta txalapartagaz lagunduta. Bertan, giza-kate bat ere osatuko dute banderolakaz, eta, bukatzeko, manifestu baten irakurketa egingo dute.
