Abaroako "txapuzak" zulo ekonomikoa eragiten jarraitzen duela salatu du EH Bilduk

Abaroa eraikuntza-enpresak kaltetutako etxeetako bat, Ibarrondo kalean.

Aurtengo maiatzean bukatzen da Abaroa enpresak eragindako hirigintza-hondamendiak kaltetutakoak birkokatzeko hitzarmena, eta, aurrerantzean, Erandioko Udalak egin beharko dio aurre pertsona horien alokairuei. EH Bilduk uste du hori dela aurtengo aurrekontuak oraindino ez izatearen arrazoietako bat.

Abaroa enpresak kaltetu zituen bizilagunen birkokatzerako Azpiegiturak —Bizkaiko Foru Aldundiko enpresa— hartu zuen konpromisoa maiatz honetan amaituko da. Erandioko EH Bilduk publiko egin duen idatziaren arabera, 2011n Azpiegiturak-ek hartu zituen bere gain etxebizitza galdu zuten 66 familien alokairuen kostuak, 1.500.000 eurora arte. Hortik aurrera ordaindu beharrekoaz Udala arduratuko litzatekeela adostu zuten.

Koalizio abertzaleak adierazi duenez, kaltetutakoen aseguru-etxeetako dirua eta Azpiegiturak agindutako dirua bukatu egin da; beraz, orain, Udalak egin beharko die aurre pertsona horien alokairuei, eta, gutxienez, abendura arte ia 400.000 euro jarri beharko ditu.

Gaineratu dute alkateak hori adierazi zuela martxoko osoko bilkuran; udal-agintariak horretan zehaztu zuenez, Aldundiagaz berba egiten ari dira, nolabait lagundu dezakeen ikusteko. EH Bilduren ustez, aurtengo aurrekontuak oraindino ez izatearen arrazoi garrantzitsuenetako bat hori izan liteke.

16 urte geroago

Abaroa enpresak Tartangan Los Ochos izeneko etxebizitza sustapena ekin zionean, 2005an, alboko etxeetako egituretan kalte handiak sortu ziren, eta 2006ko abuztuan Erandioko Udalak Altzagako Vegako lehendabiziko kaleratzea egin zuen. Kale horietako 66 etxebizitza eraitsi behar izan zituzten horrez geroztik.

 

Erlazionatuak

Abaroak kaltetutakoek etxea izan dezaten 400 etxebizitza egingo dituzte Altzagan

Erandio

Pasa den otsailaren 25ean, Erandioko Udalbatzak behin betiko onartu zuen Tartanga-Kiroldegia eremuari dagokion Udal Planeamendu Arau Subsidiarioen ...
Tartanga berde manten dezaten aldarrikatuko dute arrastian

Erandio

Tartanga Berdea herri-plataformak jende-katea egingo du gaur, barikuan, arrastian, kiroldegiaren ondoko 20.000 bat metro koadroko lur-saila parke l...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun