Kutsadurarik ez dutela nahi aldarrikatu dute ehunka erandioztarrek

Erandioko Oroimenak eta zenbait auzo-elkartek deituta, kutsaduraren aurkako manifestazioa egin dute gaur, Altzagan. Ostean, Josu Murueta eta Anton Fernandezen omenezko ekitaldia egin dute, eta Erandioko zenbait auzotan pairatzen duten kutsadura ere salatu dute.

Ehunka erandioztarrek parte hartu dute kutsadura salatzeko gaur Altzagan egin duten manifestazioan. Mobilizazioaren buruan, "Atzo, gaur eta beti, kutsadurarik ez!" leloa zuen pankartaren alboetan joan dira Josu Murueta eta Anton Fernandezen argazkiak, poliziak erail zitueneko 52. urteurrena gogorazteko.

Horiekaz batera, Auzokoa Herrikoi Elkartea eta Herri Bideak Kate Barik Elkarteek ere parte hartu dute deialdian, eta Erandioko zenbait auzotan bizi duten kutsadura-arazoa salatu dute. 52 urte beranduago, Erandioko herritarrak kalera irten dira beste behin, kutsaduraren arazoa salatzeko.

Aipatutako elkarte biek Airearen Zaindariak proiektuan parte hartu dute, eta auzokideek egindako neurketei esker herritarrek arnasten duten airean metal astunak aurkitu dituzte: kadmioa, nikela eta plomoa.

Erlazionatuak

Erandioko airea, Madrilekoa edo Bartzelonakoa baino kutsatuagoa

Erandio

Aire Zaintzaileak ekimenak ezagutzera eman dituen datuen arabera, espainiar Estatuan neurtu dituzten 28 udalerrietatik Erandio da aire kutsatuena d...
Kutsaduraren aurkako manifestazioa eta ekitaldia egingo dute Erandion hilaren 30ean

Erandio

Erandioko Oroimena plataformak mobilizazio-deialdia egin du urriaren 30erako, helburu bikoitzagaz: alde batetik, Josu Murueta eta Anton Fernandez e...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun