Tartanga Berdea ez da Udalak aurkeztutako azken proiektuagaz fidatzen

Tartangako berdegunearen aldeko azken manifestazioan ehunka herritarren parte hartu zuten.

Duela aste batzuk Erandioko Udalak Tartangan ikastetxearen ondoan berdegune berri bat egiteko proiektua aurkeztu zuen, baina Tartanga Berdea plataformako kideek beren egitasmoa neutralizatzeko "maniobra elektoral hutsa" dela kritikatu dute.

Tartanga Berdea ekimeneko kideek deitoratu dute Udalak "ez eperik ez finantziazio-planik ez duen egitasmoa" orain aurkeztea ez dela kasualitatea izan. Kritikatu dutenez, Tartanga Berdeak auzoko berdegunerik handiena babesteko sinadura-bilketa eta proiektuaren aurkako alegazioen kanpaina areagotu duenean, Udalak hori "neutralizatzeko kontrakanpaina" egitea erabaki du, ikastetxe ondoan eraikiko duten berdegunearen egitasmoaren aurkezpenagaz.

Diotenez, ez dira egitasmoagaz fidatzen, eta "maniobra hutsa" dela deritzote. Gaineratu dutenez, 2023ko maiatzeko hauteskundeei begira egindako mugimendua litzateke. Diotenez, "EAJk badaki Tartangako hormigonizazioaren proiektua ez dela erandioztar askoren gustukoa", eta, horren bitartez, gobernu-taldeak bilatzen duena da botoak ez galtzea eta "lagun konstruktore pribatuen interesak defendatzea".

Zentzu horretan, plataformako kideek  adierazi dute, fidatu ez arren, 10.000 metroko gune berde berria ongietorria dela, baina, orain arte bezala, iragarri dute 20.000 metro koadroko kiroldegi ondoko berdegunea defendatzen jarraituko dutela.

Erlazionatuak

Erandioko Udalak Tartanga ikastetxearen ondoan parke bat eraikitzea proiektatu du

Erandio

Urriko Udalbatzan 10.000 metro koadroko desjabetze-espedientea onartzea aurreikusi du Udalak, Tartanga LHII ikastetxearen ondoan kiroldegi eta berd...
Abaroak kaltetutakoek etxea izan dezaten 400 etxebizitza egingo dituzte Altzagan

Erandio

Pasa den otsailaren 25ean, Erandioko Udalbatzak behin betiko onartu zuen Tartanga-Kiroldegia eremuari dagokion Udal Planeamendu Arau Subsidiarioen ...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun