Gasolinoaren bisita gidatuak indartzeko asmoa azaldu du Erandioko Udalak

Erandioko Gasolinoa, artxiboko irudian,

Urte honetako Gasolinoaren bisita gidatuek izandako arrakasta ikusita, Erandioko Udalak horiek sendotzea eta, ahal den neurrian, handitzea aurreikusi du. Izan ere, aurten 220 pertsonek parte hartu dute itsasadarraren kultura, ondarea, paisaia eta garapen historikoa ezagutzeko bisita gidatuetan.

Orain arte jasotako datuek bisiten balorazio ona erakutsi dute eta horregatik proposamenak egiten jarraituko dutela adierazi du Jorge Gonzalez Erandioko Udaleko Turismo, Enplegu eta Berdintasun zinegotziak. Zentzu horretan, zerbitzu horren aldeko apustua egiten jarraituko dutela ere iragarri du zinegotziak, izan ere, garraiobide horrek bizi duen egoera ekonomiko zaila arintzen laguntzen duen irtenbidea ere dela gaineratu du.

Udal-iturriek azaldu dutenez, urte honetan Gasolinoaren bisita gidatuetako erabiltzaileek betetako inkestak datu nahiko argigarriak azaleratu ditu: parte hartzaileen % 60 gizonak eta % 70 41-65 urte bitartekoak izan dira. Udalerrika, gehienak Bilbotik eta Erandiotik zetozen, nahiz eta beste udalerri batzuetako pertsonak ere bertaratu direla zehaztu duten, hala nola Barakaldo, Getxo, Sopela, Leioa, Mungia edo Urduliz.

Gainera, emandako puntuazioari dagokionez, batez ere, bikainaren eta ia bikainaren artekoa izan da, ibilbidea egokia dela eta esperientzia errepikatzeko eta gomendatzeko prest egongo liratekeela kontuan hartuta.

Zinegotziaren hitzetan, "bisita horiek familiako aisialdi turistikoko plan egokia izaten saiatu dira, herriko herritar guztiei zuzenduta, baita beste toki geografiko batzuetatik etor daitezkeen pertsona guztiei ere".

Erlazionatuak

Gasolinoak bisita gidatuak egingo ditu aurten ere

Erandio

Iazko arrakasta ikusita, Erandioko Gasolinoak bisita gidatuak errepikatuko ditu apiriletik azarora bitartean. Aurrekoetan bezala, ateraldiak Bilbo ...
Itsasadarra ezagutzeko bisita gidatuak eskainiko ditu Erandioko gasolinoak

Erandio

Erandio eta Barakaldo batzen dituen gasolinoak bisita gidatuak egingo ditu datozen hilabeteetan. Ondare industrial eta kulturala ezagutzera emateko...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun