Erandion, Tartangako LHIIko ikasleek antolatzen duten jaialdiaren bigarren edizioa aurkeztu dute gaur. 17:00etatik aurrera hasiko dituzte ekintzak, eta bihar ere egun osoko egitaraua prestatu dute: kalejirak, antzerkiak, kotxe klasikoen erakustaldia, umeentzako jarduerak, kontzertuak...
Jaialdia hasi aurretik, horren aurkezpen-galan MAD abeslariak, Maialen dantzariak, Eraso V taldeak eta Jon Codina biolinistak erakustaldiak egin dituzte hainbat diziplina bateratuko dituen jaialdiaren aurkezpen-galan.
Gainera, Tartanga ikastetxean egin duten ekitaldian, ikasle eta irakasleakaz batera Aitziber Oliban Erandioko alkatea ere izan da, eta, besteak beste, iragarri du jaialdia dela eta, Altzagako ostalaritza-establezimenduetako itxiera bi orduz atzeratuko dutela gaur eta bihar.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
