Dantzxori ikuskizuneko txoriak Mendiguren plazara bueltatuko dira

Ander Zarraga 2024ko ots. 8a, 18:37

Trabudu Dantzari Taldearen ikuskizuna inauterietako jarduera nagusia izango da Astrabuduan, baina horrez gain, beste hainbat jarduera antolatu dituzte Altzagan eta Erandiogoikoan ere.

Natura, mitologia eta herriko hainbat bereizgarri bateratzen dituen ikuskizun magikoak berritasunen bat ere dakarrela iragarri dute Trabudu Dantzari Taldekoek. Hala ere, horiek bihar, hilak 9, 20:00etatik aurrera erakutsiko dituzte Mendiguren plazan. Aldez aurretik, 19:30ean, dantzariek kalejira egingo dute Josu Murueta plazatik, herritarrak dantza-gunera eramateko.

Itsasadarrak XX. mendearen hasieratik izandako iragan industrialean iradokita, eta udalerriko leku enblematikoetan oinarrituta, Dantzxorik naturaren lau elementuetara (lurra, ura, sua eta aire) hurbilketa bat egiten du dantza eta musikaren bitartez, lau urtaroen igarotzea eta bizitza eta heriotza taularatzeko.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun