Erandioko Udalak iragarri du maskotak, batez ere txakurrak, edukitzeko ordenantza betetzen ez duten herritarrei 100 eurotik 3.000 eurora doazen isunak ezarriko dizkietela. Udaleko ordezkariek adierazi dutenez, hainbat kexa jaso dituzte gorotzak ez batzeagatik, txakurrak aske eroategatik edo animalien arteko liskarrengatik, beraz, abisatzetik isunak jartzera pasatuko dira.
Orain arte, Udaltzaingo eta Udaleko arduradunak informazio- eta kontzientziazio-kanpaina egiten aritu dira, baina emetik aurrera, zuzenean isunakaz zigortuko dituzte ordenantza betetzen ez duten txakur-jabeak.
Erandiok 25.000 biztanle dituen udalerria izanik, 5.000 txakur baino gehiago daude erroldatuta. Besteak beste, animalia horientzako berariaz sortutako eremu bi daude: bat Altzagan, Tartanga inguruan, eta Astrabuduan bestea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
