Bozeramaileen Batzan berba egingo dute herri-partaidetzaren inguruan; horren aurrean, EH Bilduk eztabaida hori getxoztar guztiei dagokiela salatu du, “ez soilik alderdiko ordezkariei”. Gogoratu dutenez, aurrekariak daude Getxoko Udalean, “adibidez, HAPOren berrikusketarako eratu den lantaldean, zeinetan elkarte eta herritarrok eztabaidatzeko aukera izan duten. Beharbada, ez da prozesu nahi bezain ona izan, baina hortik abia gaitezke prozesu parte-hartzailea egiteko orduan, izandako akatsetatik ikasita”.
Getxoko EH Bilduk aurkeztutako herri-partaidetzaren inguruko eztabaida alde batera utzi zuen Gobernu Taldeak joan den eguenean izandako Lehendakaritzako Informazio Batzordean. Biharamunean, berriz, Alkatetzak Bozeramaileen Batza deitu zuen gaurko, eguaztena, Udal Arautegiaren inguruko eztabaidan “partaidetzari buruzko erregulazioa” sartzeko proposamenagaz. Horren aurrean, “eztabaidari ekiteko aukerarik ezin izan genuen arren”, koalizio abertzaleak begi onez ikusi du EAJren iritzi aldaketa, “orain arte ez baitzuen lehentasuntzat jotzen herri-partaidetzaren arautzea”.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun