Hasi da Gabi Basañez eta internazionalismoaren aurkako epaiketa

Erabiltzailearen aurpegia Hiruka 2015eko urriaren 19a

Gabi Basañez eta beste lau laguni 6 urteko espetxe zigorra eskatzen diete Askapenako kide izatea egotzita.

Hasi da Gabi Basañez Ruiz algortarra, Walter Wendelin, Unai Vazquez Puente, David Soto Aldaz eta Aritz Gamboa de Miguel Askapenako erakunde internazionalistako kideen kontrako epaiketa Espainiako Auzitegi Nazionalean. Sei urteko kartzela zigor eskaerari egin beharko diote aurre bost auzipetuek, eta Askapena, Askapeña konpartsa, Elkar Truke eta Herriak Aske elkarteak legez kanpo uzteko eskatzen du Fiskaltzak. Gaur hasi eta azaroaren 2an amaitzea espero dute. Aste honetan hiru saio egingo dituzte, eta urriaren 25ean eta 26an deklaratuko dute defentsaren lekukoek; tartean, nazioarteko hainbat ordezkarik.

Dozenaka lagunen babespean sartu dira auzitegira bost inputatuak. Topatu.info agerkariak jakinarazi duenez, ateraino eraman dute azken hilabeteetan egindako herri epaiketen sententzia: “herrien garaipenera kondenatzen dugu espainiar Estatu inperialista”. Madrilen ez ezik, Euskal Herrian ere babestuko dituzte auzipetuak gaur ere; izan ere, elkarretaratzeak egingo dituzte hainbat herritan:

  • Bilbo: 19:30ean Arriagan.
  • Donostia: 19:00etan Bulebarrean.
  • Gasteiz: 19:00etan Andre Mari Zuriaren plazan.
  • Irun: 19:30ean San Juan plazan.
  • Laudio: 19:30ean Lamuza plazan.
  • Zumaia: 19:30ean Magnolioan.

Espainiako Auzitegi Nazionalak aginduta, 2010ean zazpi lagun atxilotu zituzten “ETAren nazioarteko frontea” osatzea egotzita. Besteak beste, Gabi Basañez 2011ko apirilaren 2an jarri zuten kalean, baldintzapeko askatasunak ezartzen duen ohiko egoeran.

Politika Getxo
Erlazionatuak
Urriaren 19an hasiko da Gabi Basañezen kontrako epaiketa
Urriaren 19an hasiko da Gabi Basañezen kontrako epaiketa

Erabiltzailearen aurpegia Hiruka 2015 eka 26 Getxo

Fiskaltzak sei urteko espetxe zigorra eskatu du Gabi Basañezentzat
Fiskaltzak sei urteko espetxe zigorra eskatu du Gabi Basañezentzat

Erabiltzailearen aurpegia Hiruka 2015 ots 11 Getxo

Askapenak “herri-epaiketa” egingo du Algortan, espainiar Estatu “inperialista” auzitan jartzeko
Askapenak “herri-epaiketa” egingo du Algortan, espainiar Estatu “inperialista” auzitan jartzeko

Erabiltzailearen aurpegia Hiruka 2015 ira 29 Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun